Yoana 17:3 - Samburu

³ Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 17:3 ပူးပေါင်းရင်းမြစ်များ

Marko 9:37

<>

Luka 9:48

Nejoki ninche, <>

Yoana 10:36

aji sa inkoko tinijiejo ilo oitisinya Papa, neirriu meyeu nkop ketedia Nkai tankaraki natejo, ?

Yoana 11:42

Kayielo ajo ikining chiaake nkatitin pooki, kake atejo ana tankaraki kulo tung'ana ooitachoo tene, payie etum aairuko aajo ikirriwua iyie nanu.>>

Yoana 14:26

Kore ilo Aretoni aa Ltau Sinyati, oreu ꞉Papa ta nkarna ai, naa keiteng'en ntae ntokitin pooki, neitoki sii aitaparru ntae mbaa pooki natilika apa ntae.

Yoana 17:18

Kore ana nikirriwua nanu nkop, airruaayie sii nanu ninche nkop.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

Yoana 3:34

Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.

Yoana 5:44

Aji inkoko ntae tinirukuruk ooichooro rrepeta maate, niminyoknyok aang'amaa rrepeta naaing'uaa Nkai, inia ake nabo nadede?

Yoana 6:57

Naa kore ana naairriwua nanu ꞉Papa oichu, naa kaichu sii nanu tankaraki ninye, naa nejia sii etiu pooki ng'ae oanya sesen lai, nchere keichu ninye tankaraki nanu.

Yoana 7:29

Kayielo ninye, amu ninye aing'uaa nanu, naa ꞉ninye lairriwua.>>

Yoana 8:19

Neipar ꞉ninche Yeso aajoki, <> Nejoki ꞉Yeso, <>

1 Lkorinto 15:34

Erracha ate niparrichocho aaitibiraki, nipalpal nkoitieii inchi ee ng'ok, amu meata lbata linchi yielounoto e Nkai, naa anyit inia taa ntae.

1 Lkorinto 8:4

Naaku kore ta mbae naipirita ndaa naitakaki nkaitok e sapare, ikiyiolo ajo kore nkaitok e sapare tana kop naa meitoki, amu nabo ake Nkai nadede.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

Lpilipi 3:10

payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

1 Ltesalonike 1:9

Amu kore lolo tung'ana, naa keimakita ninkuna payie ing'amaa iyioo o ninkuna tinimbelekenyakinono Nkai, ning'uaa nkaitok e sapare, payie itumtum aaisiaayia inia Ai naichu nedede,

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

2 Petero 1:2

Metoponiki Nkai ntae munyani o seriani, ipuopuo kue aayielou ninye o Yeso Laitoriani lang.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

1 Yoana 1:2

Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

1 Yoana 2:23

Kore loany Nkerai naa meata abaki Papa, kore loibalunyie Nkerai naa keata sii Papa.

1 Yoana 4:6

Nikira naa iyioo le Nkai. Kore pooki oyielo Nkai naa kening iyioo, naa kore ilo lamara le Nkai nemening iyioo. Ana naa kiyielounyie Ltau le ndedei o ltau le sapare.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.