Yoana 17:26 - Samburu

²⁶ Kaiteyielo ninche nkarna ino, naa kaitoki ake alo kue aiteyielo, paa kore nchaman nikitachama, newuon taatua ninche, nawoun sii nanu taatua ninche.>>

Yoana 17:26 ပူးပေါင်းရင်းမြစ်များ

Yoana 14:20

Kore payie ebau inia parri, niyielouu aajo kati nanu atua Papa lai, nitii ntae atua nanu, natii sii nanu atua ntae.

Yoana 14:23

Newoliki ꞉Yeso ajoki, <

Yoana 15:15

Merokure ajo ntae laisiaayiak, amu kore laisiaayiani naa meyielo neasita lkitok lenye. Kake katejo ntae sotuatin amu kore ntoki pooki natining'o ta Papa naa katilika apa ntae.

Yoana 15:4

Entewueni taatua nanu, nawuon sii nanu taatua ntae. Kore ana nemeidim lng'asula atumo lng'anayio ewuon apeny, naa mindimdim sii ntae aatum lng'anayio tinimikitii atua nanu.

Yoana 15:9

Kore ana naatachama nanu Papa, nejia sii etiu nchaman ai taa ntae. Entewueni naa taatua nchaman ai.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:6

Kaiteyielo lolo likinchoo to nkop nkarna ino. Kore ninche naa linono apa, nikinchoo ninche, neibung'a rerei lino.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Yoana 8:50

Maing'oru nanu maaterrepi, kake keatae loing'oru, naa ninye odung nkiguana.

Rroman 8:10

Kake tenetii Kristo atua ntae, naa keye seseni linchi tankaraki ngolon e ng'oki, kake kore Ltau le Nkai, naa nkichui taa ntae, tankaraki keitaaki ntae loosipat tekue Nkai.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 12:12

Ntacho maichoo ntae nkitanyanyukoto, nchere kore ana naata sesen obo lo ltung'ani rubat kumo nera nenia rubat sesen obo, nejia sii etiu Kristo.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 1:6

payie kitum aaterrep ninye tankaraki munyani enye kitok naichoo iyioo pecheu aimu Nkerai enye nacham.

Epeso 5:30

amu ikira iyioo rubat e sesen lenye.

Epeso 5:32

Kore ana naa nkisudoroto kitok oleng, kake kalimuta nanu mbae naipirita Kristo o nkanisa.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 2:10

nirara ntae lootumo nkichon nabore taatua ninye. Ninye lkitok oitore nkitiorian o ngolon pooki.

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Lburania 2:12

ejo, <>

1 Yoana 3:24

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.