Yoana 17:25 - Samburu

²⁵ Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 17:25 ပူးပေါင်းရင်းမြစ်များ

Matayo 11:27

Kaaitarasaka Papa lai ntoki pooki, apik nkaina. Meatae hoo ꞉loyielo Nkerai mara Papa ake, nemeata sii ꞉loyielo Papa mara lolo oaatachama ꞉Nkerai aibalakinyie.

Matayo 16:16

Newoliki ꞉Simon Petero ajoki, <>

Luka 10:22

Kaaitarasaka Papa lai, ntoki pooki apik nkaina ino. Meatae hoo loyielo ajo ng'ae Nkerai mara Papa ake, nemeatae sii loyielo ajo ng'ae Papa mara Nkerai ake, o ilo oyieu ꞉Nkerai neibalakinyie.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Yoana 10:15

ana naayielo nanu Papa, nayielo sii nanu ninye. Naa kaitai nanu nkichui ai tankaraki nkerra.

Yoana 15:21

Kake keitaas ninche ntae nenia pooki tankaraki nirara lainien, amu meyielo ꞉ninche ilo laairriwua.

Yoana 16:27

amu Papa koon oacham ntae, tankaraki nikitachama nanu, nikiruko sii ajo Nkai aing'uaa.

Yoana 16:3

Kore lolo tung'ana naa keas nejia amu meyielo Papa, namaayielo sii nanu.

Yoana 16:30

Kore taata, ikiteyieloutua aajo iyielo iyie mbaa pooki, nemeata tipat payie kimparichiereki. Kore tankaraki inia, ikiruko aajo Nkai ing'uaa.>>

Yoana 17:11

Merekure awuon tana kop, kake ewuon ake etii ninche nkop, naa kalotuta nitii. Papa Sinyati, tirripo ninche taatua nkarna ino, inia arna nikinchoo, payie etum ninche aataa nabo ana payie kira iyioo nabo.

Yoana 17:18

Kore ana nikirriwua nanu nkop, airruaayie sii nanu ninche nkop.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

Yoana 6:19

Kore payie ereu ꞉looiteng'eni meli kilomitani oabaki imiet anaa ile, nedol Yeso eporu nkare alotu anyikaki meli, neiputukuny.

Yoana 7:29

Kayielo ninye, amu ninye aing'uaa nanu, naa ꞉ninye lairriwua.>>

Yoana 8:19

Neipar ꞉ninche Yeso aajoki, <> Nejoki ꞉Yeso, <>

Yoana 8:55

Miyielolo ninye kake kayielo nanu. Naa tanaa kajo mayielo, naaku lasapani atuwuana ntae. Kake kayielo ninye, naibung rerei lenye.

Asat 17:23

Naa kore aisabita tene aing'uraa nkitanyanyukot ee nkaitok, nadol abaki lperere la lasar oata lkigerot oojo, Kore naa inia ai nisaitata nimiyielolo naa kaliki taata ntae.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

Rroman 3:11

Meatae loning'u, meatae loyieita Nkai,

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

1 Lkorinto 15:34

Erracha ate niparrichocho aaitibiraki, nipalpal nkoitieii inchi ee ng'ok, amu meata lbata linchi yielounoto e Nkai, naa anyit inia taa ntae.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

Lburania 8:11

Nemeatae loitoki aiteng'en le latia enye tanaa lalache lenye ajoki, amu kaayielou ninche pooki, ang'asu lkini ana metabaki lkitok.

1 Yoana 1:9

Kore tinikimbalie ng'ok ang, naaku kepaliki ninye iyioo, neitoki aitukoo iyioo ntorroni pooki, amu keisiligai ninye nera lopeny sipat.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 16:5

Naning lmalaika oitore nkariak ejo, <