Yoana 17:11 - Samburu

¹¹ Merekure awuon tana kop, kake ewuon ake etii ninche nkop, naa kalotuta nitii. Papa Sinyati, tirripo ninche taatua nkarna ino, inia arna nikinchoo, payie etum ninche aataa nabo ana payie kira iyioo nabo.

Yoana 17:11 ပူးပေါင်းရင်းမြစ်များ

Matayo 10:16

<

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Matayo 6:9

Naa, tiniomonmon, entoomon aajo inji:

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.

Yoana 13:3

Neyielo Yeso ajo keichoo ꞉Nkai ninye meitoria pooki toki, neyielo abaki ajo keing'uaa netii Nkai, netaa payie elo netii ninye.

Yoana 14:20

Kore payie ebau inia parri, niyielouu aajo kati nanu atua Papa lai, nitii ntae atua nanu, natii sii nanu atua ntae.

Yoana 16:28

Papa apa aing'uaa nanu, nayewuo nkop. Naa kore aitoki taata, kaing'uarita nkop aloito netii Papa.>>

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

Yoana 17:6

Kaiteyielo lolo likinchoo to nkop nkarna ino. Kore ninche naa linono apa, nikinchoo ninche, neibung'a rerei lino.

Yoana 7:33

Nejo ꞉Yeso, <

Asat 3:21

Naa meata ajo meng'amaa ninye ꞉chumata ana metabau kenya inia kata naitaa Nkai ntoki pooki supat ana netiu apake, ana netejo apake too loibonok sinyat lenyena.

Rroman 12:5

nejia siake etiu, kore iyioo kira kumo, ikira sesen obo taatua Kristo, nemeata sii tee iyioo lamara rubata e likae.

Rroman 9:17

Amu keichoo Nkai Musa lkilikuai le Parao lkinkii le Misiri ejoki, <>

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Epeso 4:4

Keatae sesen obo o Ltau Sinyati obo, ana nara siligi oipotoka ntae Nkai obo.

Lpilipi 2:9

Kore tankaraki inia, neiliepunyie Nkai ninye aitalang pooki ng'ae o pooki toki, neicho nkarna naaisul nkarn pooki,

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

1 Yoana 3:12

nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,

Mbolunoto 15:4

Ng'ae sa limikiurie iyie Laitoriani, neyanyit nkarna ino? Amu iyie ake apeny oara sinyati. Kepuonu ltung'ana loo lochon pooki, nikisai iyie, amu eibalakinyieki pooki ng'ae asat inono e sipata.>>

Mbolunoto 19:12

Kore nkonyek enyena, neilu ana nkima nailu, netii nkopiyiani kunini e nkitoo kumo nkue enye. Netii nkarna naigerokino naa ninye ake openy oyielo kipirte enye.

Mbolunoto 4:8

Naa kore tee nenia tokitin ong'uan naaichu naatuwuana ng'uesi, meata nemeata nkaipupo ile naabore nkonyek mbat pooki, aatii atua, netii oriong. Nemegira kuarie o parkiji merany aajo, <>