Yoana 15:16 - Samburu

¹⁶ Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 15:16 ပူးပေါင်းရင်းမြစ်များ

Matayo 21:22

Naa kore pooki niomonmon Nkai to nkurukoto, naa itumtum.>>

Matayo 7:7

<

Luka 6:13

Kore payie eikienyu, neipotu looiteng'eni lenyena, negelu tomon oare taatua ninche neicho nkarna naji Lkipaareta:

Yoana 13:18

<

Yoana 15:19

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.

Yoana 15:5

<

Yoana 6:70

Nejoki ꞉Yeso, <>

Asat 1:24

Neomon aajo, <

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Asat 10:41

Eitu eicho ꞉Nkai ninye metoduaa ꞉ltung'ana pooki le Isirael, mara ake lolo ootegelua apake payie etum aatilikoi sipata naipirita ninye. Naa iyioo taa lolo, oaatamata nikitama ndaa tenebo o ninye eidipa atipiu taatua lootuata.

Asat 22:14

<

Asat 9:15

Kake nejoki ꞉Laitoriani ninye, <

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 15:4

Amu kore pooki naaigeroki apake too Lkigerot naa keigeroki payie eiteng'en iyioo, paa kore te ng'iriata o rreten nikitum too lolo Kigerot, nikimbung siligi lang.

Rroman 9:21

Oo sa laitibirani loo ntokitin e mparpar, meata nkitoria naitibirunyie ntoki e tipat ta mparpar, neitoki ake aitibirunyie inia parpar nkae toki nemeata tipat?

1 Lkorinto 10:11

Kore kuna baa naatumo kulo tung'ana naa keigeroki payie eitaarriyianieki iyioo ooichu ta nkata e nkiting'oto e nkop.

Lgalatia 1:15

Kake Nkai naategelua ewuon atii nkocheke e yieyio lai, naaipot te munyani enye, nechamaa

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

2 Timoti 1:11

Kaategeluaki mataa lalikoroni o Lkipaaret o laiteng'enani loo lolo Omon Supati.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

Tito 1:5

Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa.

Lburania 11:4

To nkurukoto eitaka ꞉Abel Nkai lasar supat olang le Kain. Naa tankaraki naata nkurukoto payie eikena ꞉Nkai ninye ajo loosipat, netachamayie lasar loo nkichoorot enyena. Naa kore abaki etua Abel, ewuon ake eirorita to nkurukoto.

Yakobo 3:18

Naa kore lantarara le sipata, naa keuni te seriani taatua lolo oaacham seriani.

1 Petero 3:15

Kake enkena taa ltauja linchi aajo keisinyati Kristo, oara sii Laitoriani linchi, nirretenana payie iwolikiki pooki ng'ae oipar ntae ajo nyo eitacheyie siligi linchi.

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

1 Yoana 4:19

Ikichamicho amu ninye apa oatachama iyioo tekue.