Yoana 15:12 - Samburu

¹² Ana nkitanapata ai, nchere entachamata ana natachama nanu ntae.

Yoana 15:12 ပူးပေါင်းရင်းမြစ်များ

Yoana 13:34

Ana nkitanapata ng'ejuk naichoo ntae, entachamata. Kore ana natachama nanu ntae, entachamata sii ntae.

Yoana 15:17

Kore nkitanapata ai taa ntae naa ana: entachamata.

Rroman 12:10

Entachamata katukul ana lalachera o nkanachera, ninchocho metaa meata lemenyok aaitodolu nkanyit alang likae.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

1 Ltesalonike 3:12

Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae,

1 Ltesalonike 4:9

Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate.

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 4:8

Kore nalang pooki, entachamata katukul, amu kejutoo ꞉nchaman ng'ok kumo.

1 Yoana 3:23

Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.

1 Yoana 4:21

Naa ana nkitanapata naichoo ninye iyioo, nchere kore ilo oacham Nkai naa keyiere sii necham lalache o nkanache enye.

2 Yoana 1:5

Kore taata naomon iyie nkitok nageluno, matachamata maate. Namara ketuwuana nkitanapata ng'ejuk ana naaigerokita, kake inia apake nikiata ta ng'asunoto.