11 <
Niyauu larami le nkiteng oitipiroki, niyieng'yieng matam niking'ida.
Kake keiririkino payie ikinya sukukuu niking'ida tankaraki kore ele alache lino naa ketua apa neitoki apiu, naa keimina apa neitokini aatum.> >>
Naa kore payie etum, neng'ida nerrapu apik sip lenye.
Naa kore payie etum, neipotu ncheriata enyena o latia nejoki,
Kore o taata meatae ntoki nitoomonutua ta nkarna ai. Entoomonu, naa ing'amaa payie etum ng'ida inchi atoboreyia.
Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>
Kalotuta naa taata nitii, kake kajo kuna baa ewuon atii nkop payie etum ninche ng'ida ai nabore.
Kore loyemicho naa ꞉ilo orikito nkaibartani, kake kore lchapukerra naa keitache ainining'icho, neng'ida tenening ltoilo lo loyemicho. Naa nejia etiu ng'ida ai, naa ketoboreyia.
Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.
Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.
Emintoki aamera ta naichuo, amu kore merai naa keicho ntae enchirkalie ntokitin inchi, kake enchoo eiput ntae Ltau Sinyati,
Kore tankaraki natisipua ajo keisupat inia taa ntae, naa kayielo ajo kabik aichu, nawuon tenebo o ntae pooki payie ibululu, ning'idada to nkurukoto,
Enting'idata nkata pooki.
Itachama ntae ninye abaki eitu idoldol, niruko abaki midolitata taata, neiputa ntae ng'ida kitok nemelimunoi
Ikingerito iyioo ana, payie eitabari ng'ida aang.
Kore abaki duo aata mbaa kumo naigeroki ntae, kake mayieu naigeroki ntae ta lkalamu o ta mpalai. Kore naa siligi laata, naa payie airorie ntae kiduaa nkomomi neboreii taa ng'ida ang.
