Yoana 14:30 - Samburu

³⁰ Merekure airorie ntae mbaa kumo, amu kelotuta ilo oitore ana kop. Meata ninye ngolon ta nanu,

Yoana 14:30 ပူးပေါင်းရင်းမြစ်များ

Luka 1:35

Newoliki ꞉lmalaika ajoki, <

Luka 22:53

Kore mperot pooki naa katii apa nkaji e Nkai tenebo o ntae, neitu kiseyieyie. Kake kore taata, naa nkata inchi o nkitoria e naimin.>>

Yoana 12:31

Kore taata, keiguanareki ana kop, naa taata emirari ilo oitore ana kop aaipung'ie aulo.

Asat 1:3

Kore eidipaki aaitama sina neri metua, neibalie koon too lolo kipaareta lenyena, eitodolu nkatitin kumo sipat nchere keichu. Ketaase ana taatua mperot 40 eipung'oki ninche, neliki mbaa naaipirita nkitoria e Nkai.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lkolosae 1:13

Netalakua iyioo aitung'aa nkitoria e naimin nepik iyioo atua nkitoria e Nkerai enye nacham,

Lburania 4:15

Amu mara laitainoni kitok la lasar lemeiseyie ꞉nchalan ang ikiata iyioo, kake ikiata ilo otetemaki too nkoitieii pooki ana natemitae iyioo, kake neitu eas ng'oki.

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

1 Petero 1:19

kake lodo le Kristo oata tipat oleng eitamaki ntae, otuwuana lodo lo lkuo leker, ocho lemeata ntioto.

1 Petero 2:22

Eitu eas ninye ng'oki, neitu eimu nkutuk enye sapare.

1 Yoana 4:4

Nakera ainien, irara ntae ne Nkai, nindipa aatimir lolo oibonok le sapare, amu kore ilo otii atua ntae naa keikitok alang ilo otii nkop.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.