Yoana 14:20 - Samburu

²⁰ Kore payie ebau inia parri, niyielouu aajo kati nanu atua Papa lai, nitii ntae atua nanu, natii sii nanu atua ntae.

Yoana 14:20 ပူးပေါင်းရင်းမြစ်များ

Yoana 10:38

Naa tanaa kaasita, abaki tanaa mikirukuruk nanu, eruko nenia asat payie eyielouu, nining'ung'u aajo ketii Papa atua nanu, natii nanu atua Papa.>>

Yoana 14:10

Miiruk dei iyie ajo katii nanu atua Papa, netii Papa atua nanu? Kore rereii lajokita ntae, mairo makoon, kake Papa laatii atua oasita asat enyena.

Yoana 14:11

Erukooki nchere katii atua Papa, netii Papa atua nanu. Naa tinimikurukuruk te inia, erukooki naa tankaraki nenia asat.

Yoana 16:23

Kore te inia parri, mikintokiki aomon toki. Kajoki ntae sipata nadede, kore ntoki pooki niomonmon Papa ta nkarna ai, neicho ntae.

Yoana 16:26

Kore te inia parri naa iomonunu ta nkarna ai. Majoito taa, nanu oomonoki ntae taa Papa,

Yoana 17:11

Merekure awuon tana kop, kake ewuon ake etii ninche nkop, naa kalotuta nitii. Papa Sinyati, tirripo ninche taatua nkarna ino, inia arna nikinchoo, payie etum ninche aataa nabo ana payie kira iyioo nabo.

Yoana 17:26

Kaiteyielo ninche nkarna ino, naa kaitoki ake alo kue aiteyielo, paa kore nchaman nikitachama, newuon taatua ninche, nawoun sii nanu taatua ninche.>>

Yoana 17:7

Kore taata keteyieloutua ninche aajo kore ntoki pooki nikinchoo naa iyie eing'uaa.

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Rroman 16:7

nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu,

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

2 Lkorinto 12:2

Kore apa larin tomon o oong'uan ooima, netii ltung'ani obo le Kristo otowuapayie ꞉Nkai aya nkop e ng'ida. Mayielo tanaa ketarrapuaki apa aaya eata sesen lenye tanaa keikonyi atuwuana keidetdet.

2 Lkorinto 13:5

Entisipu ate tanaa itii atua nkurukoto nadede. Entetem ate! Amaa, miyielolo aajo keti Yeso Kristo atua ntae? Tanaa miyielolo, naaku eitu iimiim inia temata.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

2 Lkorinto 5:19

Kore nikijoito naa nchere ketii apa ꞉Nkai atua Kristo aitemelet koon o nkop, meikenaki ltung'ana ng'ok enche, neichoo sii iyioo Lomon Supati ooyau melet.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Lkolosae 1:19

amu ketachamayie Nkai ajo kemany atua ninye katukul.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 2:9

Amu kemanya Nkai atua ninye katukul apa era ninye ltung'ani oata sesen,

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.