Yoana 14:16 - Samburu

¹⁶ naa kaomon Papa meichoo ntae likae Aretoni, neicho metaa tenebo o ntae ntarasi.

Yoana 14:16 ပူးပေါင်းရင်းမြစ်များ

Matayo 28:20

ninteng'ening'en ninche meibung'a pooki naitanapa ntae, naa katii nanu tenebo o ntae mperot pooki metabaki nkiting'oto e ng'amata e ana kop.>>

Yoana 14:14

Kore ntoki pooki nikiomonmon ta nkarna ai, naa kaas nanu.

Yoana 14:18

Maing'ua nanu ntae irara okichono, kake kalotu nitii.

Yoana 14:26

Kore ilo Aretoni aa Ltau Sinyati, oreu ꞉Papa ta nkarna ai, naa keiteng'en ntae ntokitin pooki, neitoki sii aitaparru ntae mbaa pooki natilika apa ntae.

Yoana 15:26

<

Yoana 16:22

Nchi naa abaki itiuu ntae, isinaniono taata kake kaitoki adol ntae, neng'ida ltauja linchi. Kore inia ng'ida nitumutum, meatae looru ntae.

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Yoana 17:20

<

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 7:39

Kore ana bae natejo Yeso, naa keipirita Ltau Sinyati otum kenya pooki ng'ae oiruko ninye, amu kore apa inia kata naa ewuon eitu eichoruni ilo Tau Sinyati, tankaraki ewuon eng'or nkata payie eiliepieki.

Asat 1:4

Kore mparri nabo enyeita ninche ndaa, neicho ana kitanapata, <

Asat 13:52

Kake kore looiteng'eni ootii Antiok neiput ng'ida o Ltau Sinyati.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 5:5

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Lpilipi 2:1

Kore tanaa kitogolito tankaraki nikimbung'are Kristo, neitogolo ltauja lang ꞉nchaman enye, nikiata nchula e Ltau Sinyati, nikiata nanai e nkocheke o lng'ur too lkulie,

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

1 Yoana 2:1

Nkera ainien, kaigerokita ntae ana payie miasias ng'ok. Kake teneas lobo linchi ng'oki, naa ikiata laretoni oitacheki iyioo tekue Papa, aa Yeso Kristo ilo loosipat.

1 Yoana 2:27

Kore naa ntae, kemanya Ltau Sinyati atua ntae, ilo litang'amaitie apa payie eel ntae ilo Sinyati, nimiyieuu hoo neiteng'en ntae likae. Kake kore ana naiteng'en ntae Ltau Sinyati naipirita mbaa pooki, nera nkiteng'ena enye ndedei namara sapare, keiteng'ena sii ntae nchere payie iwuenini taatua ninye!

2 Yoana 1:2

nikicham ninche tankaraki ndedei nawuon taatua iyioo, netii tenebo o iyioo ntarasi.