Yakobo 5:9 - Samburu

⁹ Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.

Yakobo 5:9 ပူးပေါင်းရင်းမြစ်များ

Matayo 24:33

Naaku naa, kore tinidoldol sii ntae kuna baa pooki easai, enteyielo aajo etinyikua ninye nkutuk e ltim.

Marko 13:29

Naaku naa, kore tinidoldol sii ntae kuna baa easai, enteyielo aajo etinyikua ninye nkutuk e ltim.

Marko 6:19

Kore Erodias, naa keiba Yoana, neyieu near metua. Kake eitu etumoki,

1 Lkorinto 10:11

Kore kuna baa naatumo kulo tung'ana naa keigeroki payie eitaarriyianieki iyioo ooichu ta nkata e nkiting'oto e nkop.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 9:7

Keichiaakino payie eichooyo pooki ng'ae inia nategelua ta ltau lenye, nemeichooyo meyieu tanaa eisimakitae. Amu kecham ꞉Nkai ilo oichooyo te ng'ida.

Lgalatia 5:14

Amu keitabayieki nkitanapat pooki te rerei obo ake, <>

Lgalatia 5:26

Maichoo metaa mikirrep ate, nimiking'elakino anaa kulomo maate.

Yakobo 4:11

Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat.

Yakobo 4:12

Nabo ake inia Ai naichorua nkitanapat, naa ninye ake ladung'oni le nkiguana. Ninye ake oata ngolon naitejeunyie o namutie. Naaku ng'ae naa ira iyie payie idung'oki le latia ino nkiguana?

Yakobo 5:10

Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche.

Yakobo 5:7

Lalachera o nkanachera ainien, enting'iri naa ana meyeu Laitoriani. Eng'ura ja neiko laturoni la lchampa teneng'iri aanyu larin metacha, neanyu lng'anayio la lchampa le tipat metubulu neku.

1 Petero 4:5

Kake keipari kenya ninche, tekue ilo oterretene payie eiguanare looichu o lootuata.

1 Petero 4:9

Entoomonoto miatata long'unyung'unyi.

Mbolunoto 3:20

Ng'ura, kaitache to nkutuk e nkaji, naikodikodito, naa kore pooki ng'ae oning ltoilo lai nebol nkutuk e nkaji, najing'u alotu netii, nadaa tenebo o ninye nedaa sii ninye tenebo o nanu.