Yakobo 5:7 - Samburu

⁷ Lalachera o nkanachera ainien, enting'iri naa ana meyeu Laitoriani. Eng'ura ja neiko laturoni la lchampa teneng'iri aanyu larin metacha, neanyu lng'anayio la lchampa le tipat metubulu neku.

Yakobo 5:7 ပူးပေါင်းရင်းမြစ်များ

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

Matayo 24:27

Kore ana netiu nkiwuang'ata teneing'uaa nkiliepunoto e ndama neitoong abaki ndoyioroto e ndama, nejia sii kenya etiu lotunoto e Nkerai e Ltung'ani.

Matayo 24:44

Naaku enterretenata naa, tankaraki ng'amata nimintiekiki kenya elotunyie Nkerai e Ltung'ani.

Luka 18:8

Kajoki ntae, kesioki aicho ninche sipat. Kake, amaa tenelotu Nkerai e ltung'ani, keirrachu sa nkurukoto to nkop?>>

Luka 21:27

Naa kore inia kata, nedoluni Nkerai e ltung'ani elotu taatua nkidis to ngolon o nkitoo kitok.

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Yoana 21:22

Newoliki Yeso ajoki, <>

Yoana 21:23

Kore tankaraki inia, nebulaa taatua lalachera rerei lemesipa ojo kore ilo oiteng'eni naa meye. Kake eitu ejoki ꞉Yeso Petero meye ilo oiteng'eni, kake ketiaka, <>

Rroman 15:4

Amu kore pooki naaigeroki apake too Lkigerot naa keigeroki payie eiteng'en iyioo, paa kore te ng'iriata o rreten nikitum too lolo Kigerot, nikimbung siligi lang.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

1 Lkorinto 1:7

Naaku milauu hoo nkichooroto nabo naicho ntae Ltau Sinyati ianyutata meibalunyieki Laitoriani lang Yeso Kristo tenechukunye kenya.

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Lgalatia 6:9

Naa mikinauru kias mbaa supati, amu kore teneitu kinauru taa ltauja, naa iking'amaa laare ta nkata nalotu.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Ltesalonike 2:19

Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae?

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

Lburania 6:15

Neanyu Abraam te ng'iriata, netum inia naitaka ꞉Nkai lekutuk ajo kaicho.

Yakobo 4:11

Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat.

Yakobo 5:10

Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche.

Yakobo 5:3

Kore saabu o nkocholai inchi naa kemut kutu, naa keaku kenya ana kutu limunoto nadung'okinyieki ntae nkiguana, nanya seseni linchi ana nkima. Naa inteng'elitata parakuoicho inchi tee mperot e nkiting'oto.

2 Petero 3:4

ejo, <>