Yakobo 4:12 - Samburu

¹² Nabo ake inia Ai naichorua nkitanapat, naa ninye ake ladung'oni le nkiguana. Ninye ake oata ngolon naitejeunyie o namutie. Naaku ng'ae naa ira iyie payie idung'oki le latia ino nkiguana?

Yakobo 4:12 ပူးပေါင်းရင်းမြစ်များ

Matayo 10:28

Emiurie lolo oaar sesen nemeidim aatar nkichui, kake enturia ilo oidim aidakie nkichui o sesen to lmoti le nkima.

Luka 12:5

Kake kore loyiere niureii naa kaliki ntae: Enturia ilo laa kore payie eidip atara sesen metua, neata aitoki ngolon nanang'akinyie lmoti le nkima. Ee, kajoki ntae, enturia ninye!

Rroman 14:13

Naa mikintoki aadung'okino nkiguana, kake alang ninkoko nejia entegelu metaa meatae lorruach lalache anaa nkanache enye metung'ai nkurukoto.

Rroman 14:4

Ng'ae ira iyie payie inguanare laisiaayiani le likae? To lopeny eitache, naa to lopeny erriaa. Naa keitacheyieki tankaraki keidim Laitoriani aitacheyie ninye.

Rroman 2:1

Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa.

Rroman 9:20

Kake ng'ae ira iyie ltung'ani payie intooliki Nkai? Keidim sa ntoki naitibiruaki atiaaki loitibirua, <>

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Yakobo 5:9

Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.