Yakobo 4:11 - Samburu

¹¹ Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat.

Yakobo 4:11 ပူးပေါင်းရင်းမြစ်များ

Luka 6:37

<

Rroman 2:1

Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa.

Rroman 2:13

Amu mara lolo ooyielo nejo nkitanapat e Nkai oaara loosipat tekue Nkai, kake lolo oaas inia nayieu nenia kitanapat eiken ꞉Nkai ajo loosipat.

Rroman 7:7

Ikijuaa naa taata? Ikijo keitorrok nkitanapat? Nakaiting'o! Mikijo nejia! Amu tanamara apa nkitanapat anata duo mayielo ng'oki, naa teneitu apa ejo nkitanapat <>, anata duo mayielo ntoki naji lng'uarra.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

Epeso 4:31

Enturrai mion nayau ngoro o lchut le ngoro o lbuaa o ldeket pooki tenebo sii nkiba pooki.

1 Timoti 3:11

Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki.

2 Timoti 3:3

negol ltauja, nemeitemeletai, neitarruorrucho nkarn, nemeibooyo ate, nericho, neiba ntoki pooki supat,

Tito 2:3

Nejia sii nkuna ntomonok arrarrin, ntaarriyiana metaa naawueni to lwuenet oicho Nkai rrepet. Nemeitarruo lkulie tung'ana nkarn, anaa eaku rrindiki e merai, kake keichiaakino neiteng'enicho mbaa supati,

Yakobo 1:16

Lalachera o nkanachera ainien, emincho eitopong'ori ntae!

Yakobo 1:19

Enteyielo naa, lalachera o nkanachera ainien nacham, nchere meata lobo linchi lemesioki aning nemeipirriki airo nemesioki sii agoro,

Yakobo 1:25

Kake kore ilo tung'ani ochekino aing'or aitibiraki inia kitanapata e Nkai e nchaman nalaku ltung'ana, nelo kue eas ana nejo nemerikino naatining'o, naa kemayian ꞉Nkai te inia naasita.

Yakobo 2:8

Kore tanaa imbung'utata ana kitanapata naaisul Nkitanapat pooki, inia najo Lkigerot, <>, naaku iasitata mbae supat.

Yakobo 5:10

Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche.

Yakobo 5:7

Lalachera o nkanachera ainien, enting'iri naa ana meyeu Laitoriani. Eng'ura ja neiko laturoni la lchampa teneng'iri aanyu larin metacha, neanyu lng'anayio la lchampa le tipat metubulu neku.

Yakobo 5:9

Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.

1 Petero 2:1

Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.