Yakobo 2:14 - Samburu

¹⁴ Lalachera o nkanachera ainien, kaa tipat eata tenejo ltung'ani, <>, nemeitodolu taa asat enyena? Keitejeu ninye nkurukoto natiu nejia?

Yakobo 2:14 ပူးပေါင်းရင်းမြစ်များ

Matayo 5:20

Amu kajoki ntae, tanaa mirara ltung'ana loosipat oleng aalang Lparisayo o laiteng'enak loo nkitanapat, naa mijing'jing katukul nkitoria e chumata.

Luka 3:11

Newoliki ajoki, <>

Luka 6:49

Kake kore ilo oning nemeas, naa ketuwuana ltung'ani otecheta nkaji te nkeper ee nkulupo meitamanyuno, nenang'unye sere, nenang inia aji neurori ta nkata nabo, nerroyo katukul.>>

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

Asat 8:13

Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia.

Asat 8:21

Kore iyie naa meata ntoki ning'ar o iyioo tana kitoria, nemeata ntoki nitum, amu kore niparraa ta ltau lino naa mara supat tekue Nkai.

Rroman 2:25

Kore tanaa imbung nkitanapat e Nkai, naaku keitoki muratare te iyie ira Lyiaudii, kake kore tanaa igil nenia kitanapat naaku meitoki inia muratare ino.

1 Lkorinto 15:2

Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

1 Lkorinto 16:22

Kore ltung'ani pooki lemecham Laitoriani, enchoo eaku lodiaa! Laitoriani lang, wou!

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Timoti 4:8

Amu kore tenelo ltung'ani alak nkejek naa keata inia nkini tipat te sesen lenye, kake kore uriata e Nkai naa keata tipat taa mbaa pooki. Amu keata lekutuk le nkichon e taata o ne kenya,

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Lburania 11:17

To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar,

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Yakobo 1:16

Lalachera o nkanachera ainien, emincho eitopong'ori ntae!

Yakobo 2:16

nejoki lobo linchi ninye, <>, kake nemeitoki inchocho naanya tanaa naaichop, nyo tipat e inia?

Yakobo 2:18

Kake keidim ltung'ani atejo, <> Kake kore najo naa ana, <>

Yakobo 2:26

Kore ana natua sesen lemetii nkiyeng'et, nejia sii etiu, kore nkurukoto nemeata asat naa ketua.

2 Petero 1:5

Naa kore tankaraki ana bae, entonyok entoponiki nkurukoto inchi lwuenet supat, niponikiki lwuenet supat yielounoto e rerei le Nkai,