Yakobo 1:5 - Samburu

⁵ Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Yakobo 1:5 ပူးပေါင်းရင်းမြစ်များ

Matayo 11:20

Neng'asu ꞉Yeso akusakan lolo kerenketi oataasie mbaa kumo e nking'asia, amu eitu eirriidu ninche.

Marko 16:14

Kore tesiedi, neipung'oki lolo tomon obo enyeita ndaa. Nekusakan tankaraki neitu eiruk, negol ltauja lenche. Amu kore lolo otoduaa ninye etipiwua, neitu eiruk ꞉ninche.

Yoana 14:13

Naa kore pooki niomonunu ta nkarna ai naa kaitaas ntae, payie etum Papa nkisisa te Nkerai enye.

Yoana 15:7

Kore tiniwuenini taatua nanu newuon rerei lai taatua ntae, naaku kore ntoki pooki niyieuu, entoomonu neichori ntae.

Yoana 4:10

Nejoki ꞉Yeso, <, anata itoomono iyie ninye, naa ikincho iyie ꞉ninye nkare e nkichui.>>

2 Lkorinto 2:16

Kore too lolo ooidaari, neisamis lolo omon likilikorita, neyaki ninche lkiye laa ntarasi, kake kore too lolo ooitejeuni nerropil, neyaki ninche nkichui ee ntarasi. Naa ng'ae sa eichiaakino siaai laijo ilo?

Yakobo 1:17

Kore nkichooroto pooki supat nemeata ng'orikinoto naa chumata eing'uaa, etodowua eing'uaa Papa oitibira ndama o lapa o lakir pooki le chumata, ilo lemeikonyi hoo aibelekenya anaa eikonyi aiwuatuwuata.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.

1 Yoana 3:22

nikitum pooki nikiomon Nkai amu ikimbung nkitanapat enyena nikias naiting'id ninye.