Yakobo 1:18 - Samburu

¹⁸ Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.

Yakobo 1:18 ပူးပေါင်းရင်းမြစ်များ

Yoana 1:13

Ketiiwuaki ninche metaa nkera e Nkai, kake mara te ichoi e ltung'ani. Namara sii te yieunoto ee ltung'ana etiiwuaki ninche tanaa sii ne lee, kake Nkai makoon natiiwua ninche.

Rroman 4:17

ana naigeroki too Lkigerot Sinyat aajo, <> Kore apa Abraam naa kera ninye papa lang tekue nkonyek e Nkai, inia Ai apa nairuko naa ninye naicho nkichon lootuata neitaa ntokitin nemeatae apake metaa keatae.

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

Epeso 1:12

paa kore iyioo ootipika siligi lang atua ilo Aitejeunoni oanyutae, abaki apake ewuon eitu elotu, nikirrep ninye tankaraki nkitoo enye.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

2 Timoti 2:15

Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei.

Lburania 12:23

Niotuo atua ilo turrur ong'ida loo inot le Nkai, ooichiaakino njung'ore e lkikau neigeroki nkarn enche te chumata, o netii Nkai nadung'oki pooki nkiguana, o netii ltauja loo loosipat lemeata ntioto neidipa nkuetata

Yakobo 1:15

Kore naa ana naiturukumu ntoki neicho, keiturukumu sii ng'uarrat torrok neiu ng'oki, kore payie eitore ng'oki ltung'ani, neiu lkiye.

Yakobo 1:21

Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 3:14

Kake kore tiniatata lom torno nirara ltung'ana laa ne maate ake enya, emiinkar ake nisapsap ate aajo kebaki neatae ndedei niatata.

1 Petero 1:23

Amu ketiiwuaki ntae nkata e are, namara ta lantararai omutari kake lememutari, aa taa te rerei le Nkai oichu lemeichunye.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

1 Yoana 3:9

Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai.

Mbolunoto 14:4

Kore ninche naa ltung'ana leitu eitarruoo ate aasai nkulie aitok, kake keirukurukore Lkuo leker ng'oji pooki nechomo. Keinyieng'uaki ninche taatua ltung'ana, ana ltung'ana lekue oichori Nkai o Lkuo leker.