Tito 3:5 - Samburu

⁵ neitejeu iyioo, namara tankaraki nikitaasa sipat, kake tankaraki lng'ur lenye. Keitejewua iyioo to nkutuko natiunyieki iyioo nkata e are, neiteng'ejuk iyoo ta Ltau Sinyati,

Tito 3:5 ပူးပေါင်းရင်းမြစ်များ

Matayo 3:11

Kaipatis ntae ta nkare payie iwuenienie nkirriidunoto, kake kore ilo laaijipu naa keata ngolon kitok alang nanu, namaichiaakino abaki tanaitai namuka enyena. Naa keipatis ninye ntae ta Ltau Sinyati o te nkima.

Luka 1:50

Naa kore lng'er lenye too lolo oourie ninye, naa kebik ntowuon o ntowuon.

Luka 1:54

Neret Isirael laisiaayiani lenye, payie eparraa lng'er lenye ta Abraam o ichioi enye ntarasi ana ilo lekutuk apa oitaka lmakui lang.>>

Luka 1:72

Keing'erru lmakui lang, neparru lning'o lenye sinyati,

Luka 1:78

tankaraki kenana Nkai ang ocheke. Kore tankaraki inia, keipung'oki iyioo wong'an e nkakenya nadou eing'uaa chumata,

Rroman 11:14

aata ajo payie apik lorere lai loo Lyiaudi lom, naitejeu lbata lenche.

Rroman 11:6

Naa tanaa te munyani etegelua naaku meirichakino ngelunoto e ltung'ani asat enyena, amu tanaa nejia, naa meitoki naa munyani ara munyani.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 3:20

Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.

Rroman 3:28

Amu ikinken nchere te nkurukoto eitaa ꞉Nkai ltung'ani loosipat, namara teneas naayieu Nkitanapat.

Rroman 4:5

Kake kore ilo lemepik siligi asat enyena naasita, neiruk inia Ai naitaa laitarruok loosipat, naa keikenakini teinia kurukoto enye aajo loosipat.

Rroman 9:11

Nejoki ꞉Nkai Rebeka ewuon eitu eini nkera enyena o ewuon sii eitu eas ninche supati tanaa ntorrok nchere, <> Paa kore inia gelunoto e Nkai naaku mara inia nataasa nenia kera eirichakino kake nayieu ninye.

Rroman 9:16

Tankaraki inia, paa mara yieuna tanaa nyuata e ltung'ani eirichakino kake tankaraki naata ꞉Nkai lng'ur.

Rroman 9:30

Ikijuaa naa taata iyioo? Kore nikijo, naa nchere kore apa lkulie oreren leitu eyiaya neiko tenetum sipata natumie sotua oipida o Nkai, naa ketumo inia sipata. Naa kore inia sipata, naa nkurukoto eirichakino.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

Epeso 2:4

Kake keisapuk lng'ur le Nkai, necham iyioo oleng,

Epeso 4:23

Neiteng'en ntae embelekenya ninkoko tinidoldol mbaa,

Epeso 5:26

payie etum aitisinya, eituk ta nkare o te rerei le Nkai,

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Tito 3:4

Kake kore apa payie eibalunyie Nkai nara Laitejeunoni lang supaticho o nchaman enye naata too ltung'ana,

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

Lburania 4:16

Naaku maotu tekue lorika le Nkai ang naata lng'ur mikiata ngureticho, payie kitum aatang'amai lng'ur o munyani naret iyioo ta nkata naichiaakino.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

1 Petero 2:10

Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.

1 Petero 3:21

Kore inia naa maaji e nkipatisa naitejeu taata ntae. Meipirita taa inia ajo keituk sesen aoru latukuny, kake ntoki naitisipu ajo merekure etii ntoki niurie tekue Nkai tankaraki ketipiwua Yeso Kristo,