Tito 1:5 - Samburu

⁵ Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa.

Tito 1:5 ပူးပေါင်းရင်းမြစ်များ

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 2:11

Niking'uaa sii nkop e Kirete o Arebia. Nikining'ito sii ninche eiro too nkutukie ang mbaa kutuaa e nking'asia naataasa Nkai.>>

Asat 27:12

Naa kore amu meisupat apa inie nebikie melin ta nkata e nkirobi, nedung ltung'ana kumo aajo, <> Kore apa Penikis naa lkerenket otii lkuran le Kirete, neata ng'oji supat neitacheyie melin, nejing'unyie nerich kopikop o loontoluo nerich maikope o loontoluo.

Asat 27:13

Kore payie ekutunye siwuo oing'uaa kopikop, nejo ninche keitabaya inie duaake neyieu nepuo, nelaaya inia meli enche natii mechomo echepita nkalo Kirete.

Asat 27:21

Kore meata ltung'ana kumo yieunoto nanyayie ndaa, neipotu ꞉Paulo ninche nejoki, <

Asat 27:7

Nikipuo akini mperot kumo ana maing'urare lkerenket le Kinido. Kore tankaraki natimitika iyioo siwuo kipuo, nikidoyio te inia meli aaim mbata e Kirete nemekut siwuo kitok kindachaa Salmone.

1 Lkorinto 11:34

Naa kore tanaa keatae lobo linchi oata sumach, nchoo enya ndaa ta nkang enye payie mipikpik ate atua nkiguana e Nkai tinitumomo tenebo. Kore nkulie baa naa kaitaarriyian kenya ntae tanalotu nitii.

1 Lkorinto 14:40

kake entaas ntoki pooki aaiririki o to nkoitiei naichiaakino.

1 Lkorinto 4:17

naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

Lkolosae 2:5

Kore abaki matii nanu tenebo o ntae te sesen, katii tenebo o ntae ta ltau, ang'ida tanadol ntae intachoo to nkurukoto nadupa taatua Kristo.

1 Timoti 1:3

Kaareki ajoki iyie payie ibik te lkerenket le Epeso, ana naatiaka apake aloito Makedonia, payie intanap lbata loo tung'ana teinie pee meiteng'enicho nkiteng'ena e sapare,

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

Tito 1:12

Ketii abaki lobo lenche, loiboni lenche loo Lkirete otejo, <>