Tito 1:4 - Samburu

⁴ Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

Tito 1:4 ပူးပေါင်းရင်းမြစ်များ

Luka 2:11

Amu kore ana parri te lkerenket le Daudi, etiikaki ntae laitejeunoni, naa ninye Kristo Laitoriani.

Yoana 4:42

Nejoki naa ꞉ninche inia kitok, <>

Rroman 1:12

Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

2 Lkorinto 12:18

Katoomono Tito meeu nitii, naitoki airriu ilo likae alache obo meeu tenebo o ninye. Amaa keitamaaya apa ntae Tito? Nabo chiaake kira o ninye, nikiim sii nkoitiei nabo.

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.

2 Lkorinto 4:13

Kejo Lkigerot Sinyat, <> Kore to nkurukoto naijo inia, ikiro sii iyioo tankaraki nikiruko.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

2 Lkorinto 8:16

Kaicho Nkai nache natipika ltau le Tito yieuna naretie ntae ana naata chiaake nanu.

2 Lkorinto 8:23

Kore Tito naa lboitiei lai likiasicho tenebo aaret ntae, naa kore lolo kulikae alachera naa nkanisani naatereutua, neyaki sii Kristo nkanyit.

2 Lkorinto 8:6

Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

Lgalatia 2:3

Kake kore abaki Tito otii tenebo o nanu, neitu eisimakini metumurati, oo duo era ninye loo Lgirriki.

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Epeso 1:2

Metaa munyani o sotua oing'uaa Nkai Papa o Laitoriani Yeso Kristo tenebo o ntae.

Lkolosae 1:2

Ikiroroki lalachera o nkanachera ang sinyat naaisiligai taatua Kristo ootii lkerenket le Kolosae. Metaa ninchi munyani o seriani naingua Nkai Papa lang.

1 Timoti 1:12

Kaicho Kristo Yeso Laitoriani lang nache tankaraki kaatoduaa ajo kaisiligai, naaicho ngolon naagelaki nkisiaayiare enye.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

Tito 1:3

Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

2 Petero 3:2

Kore nayieu naa payie aitaparru ntae lomon ootejo apa Loibonok sinyat le Nkai ewuon eng'or, naitoki sii aitaparru ntae nkiteng'ena ee lkipaareta linchi, inia kiteng'ena naichoo ninche ꞉Laitoriani o Laitejeunoni lang.

1 Yoana 5:14

Naa ana nkiteunoto nikiata ta Nkai, nchere kore tinikiomonu ntoki te nkiririkinoto e yieunoto enye, naa kening iyioo.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.