Rroman 9:22 - Samburu

²² Kore abaki eyieu apa Nkai neitodol ltung'ana ngoro enye neiteyielo sii ngolon enye, nepal lolo mang'ati lenyena ooitaanyutae mutai, tankaraki ng'iriata enye kitok.

Rroman 9:22 ပူးပေါင်းရင်းမြစ်များ

Rroman 1:18

Amu keibalunyieki ngoro e Nkai erere mbaa pooki naaitodolu aajo meurie ꞉ltung'ana Nkai o ntorroni pooki ee ltung'ana ooiboorie ntorno enche ndedei.

Rroman 9:17

Amu keichoo Nkai Musa lkilikuai le Parao lkinkii le Misiri ejoki, <>

Rroman 9:20

Kake ng'ae ira iyie ltung'ani payie intooliki Nkai? Keidim sa ntoki naitibiruaki atiaaki loitibirua, <>

Rroman 9:21

Oo sa laitibirani loo ntokitin e mparpar, meata nkitoria naitibirunyie ntoki e tipat ta mparpar, neitoki ake aitibirunyie inia parpar nkae toki nemeata tipat?

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.

1 Ltesalonike 5:9

Amu eitu egelu iyioo Nkai payie emut iyioo ngoro enye, kake payie kitum njeunoto naimu Laitoriani lang Yeso Kristo,

2 Timoti 2:20

Kore atua nkaji kitok naa mara ake masaa e saabu o ne nkocholai naatii, kake ketii sii noo nkeek o ne mparpar. Keasieki mbata siaai e tipat neasieki nkulikae siaai lamara le tipat.

1 Petero 2:8

o soit orrorricho o ndadapoi narrekicho.>> Nerror ninche amu eitu eibung ilo rerei, ana nategelakaki apa ninche.

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

2 Petero 2:9

Naaku mara keyielo naa ake Laitoriani neiko teneitai taatua ntemat lolo oourie ninye, neitaanyu lolo torrok mparri e Nkiguana, epikita ng'udi?

2 Petero 3:15

Enkena aajo keng'iri Laitoriani payie ejeu ltung'ana! Naa nejia apake etiaka ntae lalache lang Paulo likicham, payie eigeroki ntae te ng'eno naichooki ninye.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.