Rroman 8:9 - Samburu

⁹ Kake mitii ntae taabori nkitoria e mpukunoto inchi torno, taabori nkitoria e Ltau Sinyati itii, tankaraki kemanya ntae Ltau le Nkai atua. Kore tenemeata ꞉ltung'ani Ltau Sinyati le Kristo naa mara lenye.

Rroman 8:9 ပူးပေါင်းရင်းမြစ်များ

Luka 11:13

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi otii chumata aichoo Ltau Sinyati lolo oomon ninye?>>

Yoana 14:17

Kore ilo Aretoni naa Ltau oitodolu ndedei. Meidim nkop atang'amai ninye, amu medol nemeyielo. Kake iyielolo ntae ninye amu kewuon tenebo o ntae, nemany atua ntae.

Yoana 14:23

Newoliki ꞉Yeso ajoki, <

Yoana 3:34

Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.

Yoana 3:6

Kore loiu ꞉ltung'ani naa le sesen, naa kore loiu ꞉Ltau Sinyati naa la Ltau.

Asat 16:7

Kore payie enyikaki lkirre le mbata e Masia, nejo entijing mbata e Bitinia, kake neitu eicho laduo Tau Sinyati le Yeso metijing'a inie.

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:2

Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.

1 Lkorinto 15:23

Keitipiuni pooki ng'ae ta nkata enye. Kore lekue oitipiwua Nkai naa Kristo, naa kore teneigil Kristo achukunye neitipiu lolo oaara lenyena.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 6:17

Kake kore ltung'ani oibung'are Laitoriani neaku ntoki nabo o ninye ta Ltau Sinyati.

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

2 Lkorinto 10:7

Oriong ee mbaa dei ake ing'oritata ntae. Kore ilo oata sipata ta ltau lenye ajo kera le Kristo, naa keichiaakino payie eitoki aparraa nchere kore ana nara ninye le Kristo, naa ikira sii iyioo.

2 Lkorinto 6:16

Kalo ning'o eata nkaji e Nkai o nkaitok e sapare? Amu ikira iyioo nkaji e Nkai naichu. Ana netejo Nkai koon, <>

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

Lpilipi 1:19

amu kayielo ajo kore ana, naa kaaicho maatalakuni tankaraki nkomono inchi o reteto naaicho Ltau le Yeso Kristo.

2 Timoti 1:14

Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

1 Petero 1:11

Keing'orutua apa inia naibalunyie ꞉Ltau le Kristo otii atua ninche ewuon eng'or, ajo anu anaa sii netiu inia kata e sina oitami Kristo o netiu nkata e nkitoo kenya naijipu ilo sina.

1 Yoana 3:24

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.

1 Yoana 4:13

Ikiyielo aajo kewuon ninye taatua iyioo nikiwueni iyioo taatua ninye, tankaraki ketang'arie iyioo Ltau lenye.

1 Yoana 4:4

Nakera ainien, irara ntae ne Nkai, nindipa aatimir lolo oibonok le sapare, amu kore ilo otii atua ntae naa keikitok alang ilo otii nkop.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 20:15

Kore ake ltung'ani lemeigero nkarna enye to mbuku ee lolo oaata nkichui ee ntarasi, nenang'akini lbalbal le nkima.