Rroman 8:7 - Samburu

⁷ Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

Rroman 8:7 ပူးပေါင်းရင်းမြစ်များ

Matayo 12:34

Ntae ichioi ee lasuria, aji inkoko tiniroro lomon supati, nirara maate torrok? Amu kore nenia naabore ltau lo ltung'ani, naa ninche eiro nkutuk enye.

Matayo 5:19

Metaa kore pooki ng'ae ogil Nkitanapata kini too kuna Kitanapat, eiteng'en lkulie metaasa nejia, naa keaku ninye le siedi te nkitoria e chumata. Kake kore pooki ng'ae oas, neiteng'enicho kuna Kitanapat, naa keipoti aajo lkitok te nkitoria e chumata.

Yoana 7:7

Meidim nkop aibai ntae, kake kaaiba nanu amu kalimu sipata naipirita ninye ajo, kore mbaa naas naa keitorrok.

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

Rroman 1:30

Kera ninche ltung'ana oaar lkulie tee rerei, neiba Nkai, netuata seseni, neilach, negol kuechi, nechetu ntorrok, nemeanyit ntoiwuo enche,

Rroman 3:31

Naa amaa, ikintaa nkitanapat meitoki tankaraki ana kurukoto? Mikintaa hooyia! Kake ikimbung Nkitanapat.

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 7:22

Amu kang'idakino nanu taatua ltau lai nkitanapat e Nkai,

Rroman 8:4

Ketaasa Nkai ana payie etumi aaitabai nayieu nkitanapat taatua iyioo lamara mpukunoto torno e ltung'ani kirukurukore, kake nayieu Ltau Sinyati.

1 Lkorinto 2:14

Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai.

1 Lkorinto 9:21

Kore ati tenebo o lkulie tung'ana lemeirukurukore nkitanapat ee Lyiaudi, nawuon ana ilo lemeirukurukore nenia kitanapat, payie atum ateyietu ninche metaa le Kristo. Mara nanu lobo lemeirukurukore nkitanapat e Nkai, kake kairukurukore nkitanapat e Kristo.

Lkolosae 1:21

Kore abaki ntae oaara apa ltung'ana oaalamita Nkai nirara lmang'ati lenyena tankaraki ltauja linchi ana naitodolu asat nchi torrok,

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

2 Timoti 3:4

nemeisiligai, nekuetiki mbaa, neiliepie ate, necham rraa e nkop aaitalang Nkai.

Lburania 8:10

Amu inji ejo Laitoriani, Ele lning'o laitibir o lmarei le Isirael te inia kata kenya: Kapik nkitanapat ainien atua mparrunot enche, naiger taatua ltauja lenche, naaku nanu Nkai enche, neaku ninche ltung'ana lainien.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

2 Petero 2:14

Ntomononi naasie loloito ake eyieita ninche nkata pooki nemeitirring'a eitu eas ng'oki. Kerruach ꞉ninche lolo oaachal metaasa ng'oki, netatakanikita ltauja lenche lubo. Naa kore tankaraki ana kediaa ninche.