Rroman 8:34 - Samburu

³⁴ Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Rroman 8:34 ပူးပေါင်းရင်းမြစ်များ

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Marko 16:19

Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

Yoana 14:19

Kore te nkini kata, maaitoki ꞉nkop adol, kake kore ntae naa ikidoldol. Kore amu kaichu nanu, inchuchu sii ntae.

Yoana 16:23

Kore te inia parri, mikintokiki aomon toki. Kajoki ntae sipata nadede, kore ntoki pooki niomonmon Papa ta nkarna ai, neicho ntae.

Asat 2:24

Kake neitipiu ꞉Nkai ninye taatua lootuata, neitai taatua mion e lkiye, amu meidimai apake payie eitore ꞉lkiye ninye.

Rroman 14:13

Naa mikintoki aadung'okino nkiguana, kake alang ninkoko nejia entegelu metaa meatae lorruach lalache anaa nkanache enye metung'ai nkurukoto.

Rroman 14:9

Amu ketua Kristo netipiwua, payie eaku ꞉Laitoriani loo lootuata o looichu.

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Rroman 8:27

Naa kore ilo oing'uraa ltauja loo ltung'ana naa keyielo inia nayieu Ltau Sinyati, amu keomonoki sinyat le Nkai ana nayieu ꞉Nkai.

Lkolosae 3:1

Kore naa tankaraki keitipiwuaki ntae tenebo o Kristo, eng'oru naa nenia baa e keper, naatii neti Kristo, ewuenita ta nkaina e tetene e Nkai.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.