Rroman 8:25 - Samburu

²⁵ Kake tinikisilig inia nimikidolita, naa ikianyu te ng'iriata.

Rroman 8:25 ပူးပေါင်းရင်းမြစ်များ

Luka 21:19

Kore te ng'iriata inchi naa itumtum nkichon nemeiting.

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Rroman 12:12

Ning'idada taatua siligi linchi, ning'iriri taatua sina, niomonmon nkata pooki.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 8:23

namara ake ninche aapeny, kake abaki iyioo oichooki Ltau Sinyati ana nkichooroto ekue naichoo iyioo Nkai. Kore abaki iyioo naa ikingor taatua ate, kianyuta payie kiaku nkera e Nkai katukul payie elakuni seseni lang.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

2 Ltesalonike 3:5

Meteteoki Laitoriani ltauja linchi meteyielo nchaman e Nkai o ng'iriata e Kristo.

Lburania 10:36

Keyiere ning'iriri payie itumtum aataas yieunoto e Nkai, nitumtum inia naitayia Nkai lekutuk ajo keicho ntae.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

Lburania 6:15

Neanyu Abraam te ng'iriata, netum inia naitaka ꞉Nkai lekutuk ajo kaicho.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 13:10

Kore tanaa keatae looibung'i aaya jila, nchoo ake eibung'i aaya jila. Naa tanaa keatae lori metua ta lalem, neri ake metua ta lalem. Naaku keyiere payie eng'iri ltung'ana le Nkai neaku looisiligai.

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>