Rroman 8:10 - Samburu

¹⁰ Kake tenetii Kristo atua ntae, naa keye seseni linchi tankaraki ngolon e ng'oki, kake kore Ltau le Nkai, naa nkichui taa ntae, tankaraki keitaaki ntae loosipat tekue Nkai.

Rroman 8:10 ပူးပေါင်းရင်းမြစ်များ

Yoana 14:23

Newoliki ꞉Yeso ajoki, <

Yoana 15:5

<

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 6:54

Kore pooki ng'ae oanya sesen lai, nemat lodo lai naa keata nkichon nemeiting, naa kaitipiu ninye ta mparri e nkiting'oto.

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

1 Lkorinto 15:45

Amu kejo Lkigerot Sinyat, <> kake kore Adam le siedi neaku keata mpukunoto e Nkai neichooyo nkichui.

2 Lkorinto 13:5

Entisipu ate tanaa itii atua nkurukoto nadede. Entetem ate! Amaa, miyielolo aajo keti Yeso Kristo atua ntae? Tanaa miyielolo, naaku eitu iimiim inia temata.

2 Lkorinto 4:11

Amu kore ake ewuon kinchu naa keichori chiaake iyioo matuata tankaraki Yeso, payie eibalunyieki nkichui enye tee seseni lang oomutari.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lpilipi 1:23

Kadututa mbaa are, kayieu katukul payie aing'uaa ana kichon naaku tenebo o Kristo, naa inia supat oleng ta nanu,

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

1 Ltesalonike 4:16

Amu kore teneitaini nkitanapata to ltoilo la lmalaika kitok o to wochoto e mowuo e Nkai, nedou Laitoriani koon eing'uaa chumata. Kore lootuata taatua Kristo nepiu tekue.

Lburania 12:23

Niotuo atua ilo turrur ong'ida loo inot le Nkai, ooichiaakino njung'ore e lkikau neigeroki nkarn enche te chumata, o netii Nkai nadung'oki pooki nkiguana, o netii ltauja loo loosipat lemeata ntioto neidipa nkuetata

Lburania 9:27

Naa kore ana nemeata ajo meye ltung'ani nkata nabo ake, nedung'okini nkiguana e lkiye tesiedi inia,

Mbolunoto 14:13

Naning taa ltoilo oing'uaa chumata ejo, <> Nejo Ltau le Nkai, <>