Rroman 7:8 - Samburu

⁸ Kake kore aimu nkitanapata, neya ꞉ng'oki mpaach, neinyuoyie ng'uarrat pooki taatua nanu, amu kore tenemeatae nkitanapat naaku meata ng'oki ngolon.

Rroman 7:8 ပူးပေါင်းရင်းမြစ်များ

Marko 7:22

o loloito ee ltung'ana ooyema o luboi o ntorno o losegin le sapare o ꞉mparrunot nemeitaa loloito toki o lom o nkiroroto e ntorroni too lkulie o nkilacha o madai.

Yoana 15:22

Kore teneitu alotu airorie ninche, anata meata naipari to ng'oki. Kake meata taata napaacharie ng'oki enche.

Yoana 15:24

Kore tanaa eitu aas taatua ninche nenia asat neitu hoo aikata eas likae tung'ani, anata meata naipari ninche to ng'oki. Kake ketodua taata ninche kuna asat e nking'asia naaibai nanu, neibai sii Papa.

Rroman 3:20

Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 7:11

Kore amu kewa ꞉ng'oki mpaach aimu nkitanapata, naasap nanu, naar te inia kitanapata.

Rroman 7:13

Naaku amaa inia nara supat, kaayaka nanu lkiye? Nakaiting'o, eitu aayaki! Kore ntoki naayaka lkiye naa ng'oki payie elioi ng'oki ajo keitorno pii. Keasicho ninye taatua nanu aimu inia nara supat, neiu lkiye. Kore nkitanapat naa keatae payie eibalunyie nchere keisapuk ntorno e ng'oki katukul.

Rroman 7:17

Naaku merekure aa nanu oasita, kake ngolon e ng'oki nawuon taatua nanu naasita.

Rroman 7:9

Ketii apa nkata naichu nanu maata nkitanapat, kake kore payie elotu nkitanapata, nepiu ng'oki naye nanu,

1 Lkorinto 15:56

Kore lkiye naa ketum ngolon naarichere to ng'oki naa kore ngolon e ng'oki neing'uaa nkitanapat e Musa.