Rroman 7:6 - Samburu

⁶ Kake kore taata ta mbata ee nkitanapat naitaa apa iyioo rrindiki, naa ikituata. Naa kore tankaraki nikituata, naaku ketalakauaki iyioo tee nenia kitanapat payie kitum aaisiaaicho to nkoitiei ng'ejuk e Ltau Sinyati, namara ta napa oitiei musana ee nkitanapat.

Rroman 7:6 ပူးပေါင်းရင်းမြစ်များ

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 6:11

Nejia sii enkuna ntae, enkena ate aajo ituata netalakuaki ntae te nkitoria e ng'oki, kake kore nkichon ninchichu naa nkichon naicho Nkai nkisisa te Kristo Yeso.

Rroman 6:19

Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 6:2

Nakaiting'o! Kore ta mbata e ng'oki naa ikituata, metaa merekure eata nkitoria tee iyioo, naaku aji aitoki kinko tinikiwueni taatua ng'ok?

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

Rroman 6:4

Kore te nkipatisare naa ketunukayieki apa iyioo tenebo o ninye, nikiye paa kore ana naitipiwuaki Kristo to ngolon e nkitoo e Papa, nikitum sii iyioo aatewueni taatua nkichon ng'ejuk.

Rroman 7:1

Lalachera o nkanachera, kore nairorita taata naa lolo ooyielo nkitanapat airorie. Aa miyielolo aajo keitore nkitanapat ltung'ani ewuon eichu?

Rroman 7:2

Kore ntomononi nataraki lmong'o, naa keichiaakino neyanyit inia kitanapata e lning'o le nkiyema ewuon eichu lpayian lenye, kake kore payie eye lpayian nelakunye te inia kitanapata e nkiyema.

Rroman 7:4

Lalachera o nkanachera, nejia sii itiuu ntae. Kore ta mbata ee nkitanapat, naa ituata eitutumokaki ntae sesen le Kristo, payie eaku merekure irara loo nkitanapat kake itaa le likae, le ilo otipiwua taatua lootuata payie kitum aaiting'ida Nkai.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Lgalatia 6:15

Amu meitoki era tinikitumurataki tanaa teneitu, kake kore ntoki e tipat naa tinikira nkitibirunoto ng'ejuk.

Epeso 4:24

neitoki sii aiteng'en ntae enchopo mpukunoto ng'ejuk naitibiraki metinyunyukore Nkai te sipata o te sinyaticho naing'uaa ndedei.

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.