Rroman 7:5 - Samburu

⁵ Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

Rroman 7:5 ပူးပေါင်းရင်းမြစ်များ

Matayo 15:19

Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai.

Yoana 3:6

Kore loiu ꞉ltung'ani naa le sesen, naa kore loiu ꞉Ltau Sinyati naa la Ltau.

Rroman 1:26

Kore tankaraki inia, neichooyo ꞉Nkai ninche meirukurukore ng'uarrat enche e anyit. Kore ng'orio enche neitapaachita mboita e sesen naatae apake o mboita e sesen nemeyiere neasi.

Rroman 3:20

Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 6:19

Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 6:21

Naaku amaa, nyo apa itumo ntae tee nenia baa? Kore nitumo, naa nenia baa naaitam taata ntae anyit, naa kore nkiting'oto enche naa lkiye.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Rroman 7:23

kake kadol nkae golon easicho taatua rubat ainien. Kore inia golon naa nkitanapat ee ng'ok. Kerare ninche nkitanapat naayieu mparrunot ainien neirukurukore, naitaa nanu rridik taabori nenia kitanapat natii rubat ainien.

1 Lkorinto 15:56

Kore lkiye naa ketum ngolon naarichere to ng'oki naa kore ngolon e ng'oki neing'uaa nkitanapat e Musa.

2 Lkorinto 10:3

Kore abaki kira iyioo ltung'ana, naa mikinyia larrabal ana neiko ltung'ana tenenya.

Lgalatia 3:10

Amu kore lolo pooki oisilig asat ee nkitanapat, ketii taabori ldeket, amu keigero ajo, <>

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 2:11

Naaku taa, entaparru netiu apa mbaa! Kore Lyiaudi oomurata muratare namurati ake sesen naasi taa nkaik ee ltung'ana, keipot ate aajo loomurata neipot ntae aajo lmomurata.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Yakobo 1:15

Kore naa ana naiturukumu ntoki neicho, keiturukumu sii ng'uarrat torrok neiu ng'oki, kore payie eitore ng'oki ltung'ani, neiu lkiye.

Yakobo 4:1

Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi?

1 Yoana 3:4

Kore pooki oas ng'ok naa lagilani loo nkitanapat, amu kore ng'ok naa ngilata ee nkitanapat e Nkai.