Rroman 7:4 - Samburu

⁴ Lalachera o nkanachera, nejia sii itiuu ntae. Kore ta mbata ee nkitanapat, naa ituata eitutumokaki ntae sesen le Kristo, payie eaku merekure irara loo nkitanapat kake itaa le likae, le ilo otipiwua taatua lootuata payie kitum aaiting'ida Nkai.

Rroman 7:4 ပူးပေါင်းရင်းမြစ်များ

Matayo 26:26

Kore enyeita ninche ndaa, nerrapu Yeso mukate, nemayian, negil, neicho looiteng'eni lenyena nejoki, <>

Marko 4:20

Naa kulo aitoki lantarara ootodokita nenia kulipo supati: lolo ooning rerei, neng'amaa neiu lantarara. Kore lobo neiu lantarara osom, neiu likae ntomoni ile, neiu sii likae ip nabo.>>

Yoana 15:8

Kore tinitumtum lng'anayio kumo niakuku looiteng'eni lainien, netum Papa lai nkisisa.

Yoana 3:29

Kore loyemicho naa ꞉ilo orikito nkaibartani, kake kore lchapukerra naa keitache ainining'icho, neng'ida tenening ltoilo lo loyemicho. Naa nejia etiu ng'ida ai, naa ketoboreyia.

Yoana 6:51

Kara nanu ndaa naichu natodowua eing'uaa chumata. Naa kore tanaa kenya ltung'ani ana daa, naaku keichu ntarasi. Kore ana daa naa sesen lai, oichoruaki payie etum nkop nkichui.>>

Rroman 6:11

Nejia sii enkuna ntae, enkena ate aajo ituata netalakuaki ntae te nkitoria e ng'oki, kake kore nkichon ninchichu naa nkichon naicho Nkai nkisisa te Kristo Yeso.

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

Rroman 6:2

Nakaiting'o! Kore ta mbata e ng'oki naa ikituata, metaa merekure eata nkitoria tee iyioo, naaku aji aitoki kinko tinikiwueni taatua ng'ok?

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

Rroman 7:3

Inia paa kore teneboitiere ꞉ninye likae lee eichu lpayian lenye, naaku loloito easita, kake teneye lpayian lenye nelakunye ninye te nkitanapata e nkiyema, naa kore teneyem ꞉likae lee naaku mara loloito easita ninye.

Rroman 7:6

Kake kore taata ta mbata ee nkitanapat naitaa apa iyioo rrindiki, naa ikituata. Naa kore tankaraki nikituata, naaku ketalakauaki iyioo tee nenia kitanapat payie kitum aaisiaaicho to nkoitiei ng'ejuk e Ltau Sinyati, namara ta napa oitiei musana ee nkitanapat.

Rroman 8:2

Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.

1 Lkorinto 10:16

Kore tinikimayian lkikompe lemayian nkata e ndaa e laitoriani, mara iking'arita lodo le Kristo te ilo kikompe? Naa kore tinikigil mukate nikinyia, mara iking'arita sesen le Kristo te inia mukate?

2 Lkorinto 11:2

Ituwuanana ntae ana ntito naichooyieki meyema lpayian obo, naa kore ilo payian naa Kristo. Naaku, mayieu hoo ltung'ani olotu aitopong'oo ntae, amu Nkai naatipika lom, matolomo ntae payie mindapachariri ake aaing'uaa ilo payian oichooki ntae, kake payie ichamcham ninye apeny.

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Lgalatia 5:18

Kake tenerikoo ntae Ltau Sinyati, nimitii taabori nkitoria ee nkitanapat.

Epeso 2:15

aiting'ie Nkitanapat o lkerreti te sesen lenye to lmusalaba. Ketaasa ana payie etum aitai to lorere loo Lyiaudi o lkulie oreren lorere obo ng'ejuk to koon, neyau te inia oitiei sotua.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 4:17

Namara taa nkichoorot ayieita, kake kayieu payie ing'amaa mayianat naatum ꞉ilo oichooyo.

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Lkolosae 2:14

Namara ketujuto ake apeny sile ee ng'ok ang, kake keitarruoyie mpalai naigerore nkitarruorruot ang nikiata tankaraki ee mbaa kumo naayiere nikintabaya neitu kintabaya. Kore apa inia palai naa mang'antita ang, newa ꞉Nkai neche to lmusalaba.

Lkolosae 2:20

Amaa, mara ituata apa tenebo o Kristo aaing'uaa nkitanapat ena kop? Oo naa payie intokiki aapik ate taabori nkitanapat naajo, <>, <>, <>, eji atuwuana ewuon ake irara le nkop?

Lburania 10:10

Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

Mbolunoto 19:7

Mating'idata pooki nikichipa, nikincho ninye nkanyit! Amu etabawua nkata e nkiyema e Lkuo leker, neitanapa inia nayemi koon.

Mbolunoto 21:9

Kore lobo loo lolo malaikani sapa oaata ncharaan sapa naabore mbaa torrok e Nkai, nelotu natii naajoki, <>