24 Oi nanu ltolut! Ng'ae laalaku te ele sesen lo lkiye?
Emayiana lolo ooichir, amu keitigiri ninche.
Emayiana lolo oaata sumach o nkure e sotua oipida o Nkai, amu keitiemuni ninche.
<
Ikiyielo nchere ketechoki mpukunoto ang musana ee ng'ok tenebo o ninye, payie etumi aaidakie ngolon e ng'ok, nemeitokini aapik iyioo rrindikicho ee ng'ok.
Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.
Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.
namara ake ninche aapeny, kake abaki iyioo oichooki Ltau Sinyati ana nkichooroto ekue naichoo iyioo Nkai. Kore abaki iyioo naa ikingor taatua ate, kianyuta payie kiaku nkera e Nkai katukul payie elakuni seseni lang.
Nejia sii eiko Ltau Sinyati teneretu iyioo ta nchalan ang. Amu kore inia nayiere payie kiomonu naa mikiyielo. Kake keomonoki iyioo ninye to nkoitiei nemelimunoi tee rerei.
Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.
Kaalaku nanu ꞉Laitoriani taatua mbae pooki torno, naaya nkitoria enye e chumata te seriani. Metaa nenye nkisisa ntarasi o ntarasi. Aamin.
Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.
Nelaku lolo laa kore mperot pooki ee nkichoni enche netowuana era rrindiki le ng'ureticho e lkiye.
Kejut lkiyioi pooki too nkonyek enche, nemeitokini aata katukul lkiye tanaa sina tanaa nkichirata tanaa mion, amu eidipa mbaa e apa aatung'ututari.>>
