Rroman 7:15 - Samburu

¹⁵ Mayielo ajo aanyo payie aasita mbaa naasita, amu maas nenia nayieu duo naas, kake nenia baa naiba aasita.

Rroman 7:15 ပူးပေါင်းရင်းမြစ်များ

Luka 11:48

Naaku imbalunyie ntae aajo, ichamaa siaaitin loo lmakui linchi, amu ketara ninche metuata, nichetakiki ntae nkuraren.

Yoana 15:15

Merokure ajo ntae laisiaayiak, amu kore laisiaayiani naa meyielo neasita lkitok lenye. Kake katejo ntae sotuatin amu kore ntoki pooki natining'o ta Papa naa katilika apa ntae.

Rroman 12:9

Meata nchaman nkitaakino, embai ntorrok nimbung'bung aaitirrichaki mbaa supati.

Rroman 14:22

Kore nkurukoto niata, mbung'a iyie koon tekue Nkai ino. Emayiana ilo lemeiguanare koon tankaraki ntoki natisipua.

Rroman 7:16

Naa kore tanaas nenia baa namayieu duo naas, nachamaa ajo keisupati nkitanapat e Nkai.

Lgalatia 5:17

Amu kore nayieu mpukunoto ang torno, nera o yieunot e Ltau Sinyati. Naa keibooro kuna, payie miasias nenia niyieuu.

2 Timoti 2:19

Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <> naa <>

Lburania 1:9

Itachama sipata nimba ntorrok. Naaku naa Nkai, kore tankaraki inia ikitegelua iyie Nkai ino, nikimput ng'ida aitalang lkulie pooki.>>

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

Yuda 1:23

nintejeuu lkulikae aawuapu taatua nkima, nintodoldol lkulie lng'er irritata ate, imbaii abaki nkila enche naiduruko taa mbaa torrok e sesen.