Rroman 6:9 - Samburu

⁹ Amu ikiyielo aajo kore eitipiwuaki Kristo taatua lootuata naa meitoki aye, nemeitoki ꞉lkiye aitore ninye.

Rroman 6:9 ပူးပေါင်းရင်းမြစ်များ

Rroman 5:14

Kake kore etiu nejia, keitoria ꞉lkiye nkop ang'asu ng'amata e Adam ana metabaki ng'amata e Musa, neitore abaki lolo leitu egil Nkitanapat e Nkai neas ng'ok ana nataasa Adam. Kore apa Adam, naa nkitanyanyukoto e ilo apa olotu.

Rroman 6:10

Kore apa lkiye otua Kristo nkata nabo, naa ketua payie emir nkitoria e ng'oki, naa kore nkichon naichu ninye, naa nkichon naicho Nkai nkisisa.

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

Rroman 6:4

Kore te nkipatisare naa ketunukayieki apa iyioo tenebo o ninye, nikiye paa kore ana naitipiwuaki Kristo to ngolon e nkitoo e Papa, nikitum sii iyioo aatewueni taatua nkichon ng'ejuk.

Lburania 7:16

Naa ketaa Yeso laitainoni la lasar namara ana nayieu nkitanapat, kake ketaa to ngolon e nkichui nemeata nkiting'oto.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.