Rroman 6:14 - Samburu

¹⁴ Meitore aikata ntae ng'ok, amu mitii taabori nkitanapat kake taabori munyani itii.

Rroman 6:14 ပူးပေါင်းရင်းမြစ်များ

Matayo 1:21

<>

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 1:17

Amu kore Nkitanapat naa keichorua Nkai aimunyie Musa, kake kore munyani o ndedei neimunyie Yeso Kristo.

Yoana 8:36

Kore tenelaku ntae inia Kerai inoti, naaku ilakunono katukul.

Rroman 11:6

Naa tanaa te munyani etegelua naaku meirichakino ngelunoto e ltung'ani asat enyena, amu tanaa nejia, naa meitoki naa munyani ara munyani.

Rroman 4:16

Naaku nkurukoto naa ake eitacheyie lekutuk, payie eaku munyani e Nkai eirichakino, netum pooki ng'ae oata nkurukoto natuwuana naa Abraam sipata ajo ketum ilo lekutuk, namara te ilo apeny ooibung Nkitanapat, kake te ilo sii oiruk ana Abraam. Kera ninye papa loo iyioo pooki ooiruk,

Rroman 5:17

Amu kore tanaa to ng'oki e ltung'ani obo etang'asua lkiye aitoreicho eimu ilo tung'ani, kelus eichu neitoricho kenya lolo oaang'amaa munyani nabore nedodooyo neitaaki loosipat pecheu te inia nataasa ilo tung'ani obo, Yeso Kristo.

Rroman 5:18

Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

Rroman 6:12

Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 6:15

Nyo naa aitoki kijo iyioo? Ikijo, <> Nakaiting'o! Mikijo nejia!

Rroman 8:12

Naaku lalachera o nkanachera, keatae nayieuni tee iyioo menya ajo nyo eyieu mpukunoto ang torno, meyiere payie kiwueni ana nayieu ꞉ninye.

Rroman 8:2

Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.

Lgalatia 3:23

Kake kore ewuon eitu elotu ana kurukoto, ketipikaki apa iyioo taabori nkitanapat, neteenaki iyioo ana meeu ana kurukoto naibalunyieki kenya.

Lgalatia 4:21

Entilikaaki, ntae ooyieu newueni taabori nkitoria ee nkitanapat e Musa, amaa, mining'ning nejo Nkitanapat?

Lgalatia 5:18

Kake tenerikoo ntae Ltau Sinyati, nimitii taabori nkitoria ee nkitanapat.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lburania 8:10

Amu inji ejo Laitoriani, Ele lning'o laitibir o lmarei le Isirael te inia kata kenya: Kapik nkitanapat ainien atua mparrunot enche, naiger taatua ltauja lenche, naaku nanu Nkai enche, neaku ninche ltung'ana lainien.