Rroman 6:12 - Samburu

¹² Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 6:12 ပူးပေါင်းရင်းမြစ်များ

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

Rroman 6:16

Miyielolo aajo kore ilo linchoo ate aaku laisiaayiak lenyena ooning'icho, niakuku rrindiki lenyena? Keidim ng'ok aaitoria ntae nitumtum lkiye teinia, tanaa sii iakuku rrindiki ooning Nkai, neitae ntae loosipat.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

2 Lkorinto 4:11

Amu kore ake ewuon kinchu naa keichori chiaake iyioo matuata tankaraki Yeso, payie eibalunyieki nkichui enye tee seseni lang oomutari.

2 Lkorinto 5:4

Amu kore ake ewuon kiata ele sesen le ana kop naa ikinchir, neirochi iyioo ltauja tankaraki nimikiyieu neitaini ele sesen lang, kake ikiyieu payie eichopokini iyioo sesen lemeye paa kore ele sesen oye, neimulmuli te nkichui nabik ntarasi.

Lgalatia 5:16

Kake kajoki ntae, enchom erikoo ntae Ltau Sinyati, naa mintabayaya kenyaake nayieu mpukunoto inchi torno.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Epeso 4:22

Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

1 Ltesalonike 4:5

namara too ng'uarrat torrok tana neiko lkulie ochon lemeiyielo Nkai.

2 Timoti 2:22

Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati.

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

Yuda 1:16

Kore kulo tung'ana naa kecham aaing'unyung'unya nemeitoki naitiemu, neirukurukore ng'uarrat enche torrok, neikarrie ate, neitemelok nkutukie payie etum inia nayieu.

Yuda 1:18

Amu ketiakita ntae, <>