Rroman 6:10 - Samburu

¹⁰ Kore apa lkiye otua Kristo nkata nabo, naa ketua payie emir nkitoria e ng'oki, naa kore nkichon naichu ninye, naa nkichon naicho Nkai nkisisa.

Rroman 6:10 ပူးပေါင်းရင်းမြစ်များ

Luka 20:38

Naa mera ninye Nkai ee lootuata, kake Nkai ee looichu, amu te ninye eichu pooki.>>

Rroman 6:11

Nejia sii enkuna ntae, enkena ate aajo ituata netalakuaki ntae te nkitoria e ng'oki, kake kore nkichon ninchichu naa nkichon naicho Nkai nkisisa te Kristo Yeso.

Rroman 6:9

Amu ikiyielo aajo kore eitipiwuaki Kristo taatua lootuata naa meitoki aye, nemeitoki ꞉lkiye aitore ninye.

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

2 Lkorinto 5:15

Ketanang'a ꞉ninye ltung'ana pooki, paa kore lolo oaata nkichui ng'ejuk nemeitoki aawueni eiting'id ate, kake payie ewueni aaiting'id ilo oatanang'a ninche nepiu tankaraki ninche.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Petero 4:6

Tankaraki ana payie etilikoyieki Lomon Supati aaliki sii lolo ootuata, paa kore abaki etudung'okaki apa nkiguana ewuon eichu ana nadung'okini ltung'ana neye, newueni eichu te nkiyeng'et ana naichu Nkai.