Rroman 5:6 - Samburu

⁶ Kore apa ewuon kira ltung'ana lemeitoki eidim, kore ta ng'amata naichiaakino, nenang ꞉Kristo ltung'ana lemeyanyit Nkai.

Rroman 5:6 ပူးပေါင်းရင်းမြစ်များ

Rroman 11:26

Naa te inia eitejeuni Isirael pooki ana naigero ajo, <

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

Rroman 4:5

Kake kore ilo lemepik siligi asat enyena naasita, neiruk inia Ai naitaa laitarruok loosipat, naa keikenakini teinia kurukoto enye aajo loosipat.

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 5:7

Melelek payie enang ꞉ltung'ani, ltung'ani loosipat, kake kebaki duaake netii ltung'ani oitieu atanang'a ltung'ani supat.

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lkolosae 2:13

Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

1 Ltesalonike 5:9

Amu eitu egelu iyioo Nkai payie emut iyioo ngoro enye, kake payie kitum njeunoto naimu Laitoriani lang Yeso Kristo,

1 Timoti 1:9

Nikiyielo nchere, eitu eitaini Nkitanapat tankaraki loosipat kake tankaraki laitarruok o lolo lemening'icho. Neitayiaki sii tankaraki lolo lemeurie Nkai o laasak loo ng'ok, o tankaraki aitoki lolo lemeitaa Nkai toki o lolo oaacham mbaa e nkop, o tankaraki lolo oaar ntoiwuo enche near sii lkulie tung'ana.

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Lburania 8:3

Amu kore laitainoni kitok pooki la lasar naa ketegeluaki payie eichooyo nkichoorot o lasarri, naaku keyiere sii paa kore Kristo neata ntoki naichooyo.

Lburania 9:26

Amu tanaa ketaasa apa inia, anata naa eye nkatitin kumo, ang'asu apake payie eitibir Nkai nkop. Kake keyewuo ninye nkata nabo ake taata kitii ng'amata e nkiting'oto e nkop, neicharu koon aaku lasar oichu ng'ok te lkiye lenye.

1 Petero 1:20

Kore apake ninye, naa ketegeluaki ewuon eitu eng'asu ꞉Nkai aitibir nkop, kake /keibalunyieki taata ta ng'amata e nkiting'oto tankaraki ntae.

2 Petero 3:7

Kore ake aitoki te ilo rerei, kerrip Nkai chumata o nkop e taata ana ntoki e tipat. Keitaanyuta nkima ana meyeu inia parri nadung'oki nkiguana nemut ltung'ana lemeurie ninye.

Yuda 1:15

paa kore pooki ng'ae nedung'oki nkiguana, nemeatae ltung'ani torno lemeiteyielo ꞉ninye ntorrok pooki naataasa meurie Nkai. Neiteyielo aitoki lolo aing'okok torrok nenia baa torrok nairoro aarie ninye.>>

Yuda 1:18

Amu ketiakita ntae, <>

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.