Rroman 5:2 - Samburu

² Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Rroman 5:2 ပူးပေါင်းရင်းမြစ်များ

Matayo 25:21

Nejoki ꞉lkitok lenye,

Yoana 10:7

Neitoki Yeso ajoki ninche, <

Yoana 10:9

Kara nanu ltim. Kore pooki ng'ae ojing'u aimu nanu naa keitajeuni, newuon ta lakunoto, netum ng'oji nedaare.

Yoana 14:6

Nejoki ꞉Yeso, <

Yoana 5:24

<

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 12:12

Ning'idada taatua siligi linchi, ning'iriri taatua sina, niomonmon nkata pooki.

Rroman 14:4

Ng'ae ira iyie payie inguanare laisiaayiani le likae? To lopeny eitache, naa to lopeny erriaa. Naa keitacheyieki tankaraki keidim Laitoriani aitacheyie ninye.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 3:23

Amu etaasa pooki ng'ok, nelau nkitoo e Nkai,

Rroman 5:5

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Rroman 8:24

Amu ele siligi apa kitumo payie eitejeuni iyioo. Naa kore siligi olioo naa mara siligi, amu ng'ae oisilig inia nadolita?

1 Lkorinto 15:1

Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

Epeso 2:18

Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

Epeso 3:12

ilo laa taatua ninye ikiata nkitieunoto nikindim aaotunyie netii Nkai to nkurukoto, mikiata ngureticho.

Epeso 6:13

Kore tankaraki inia, enchopo masaa pooki e larrabal naaichoo ntae ꞉Nkai, payie indimdim aairicha te inia parri torno, naa kore indipa aaterretenata nintachoo mikijariri.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Lburania 6:18

Naaku kore aimu kuna baa are nemeibelekenya aikata naataasa Nkai, neitu taa esapicho Nkai, kore iyioo ooisigakita ninye, nikitum rreten kitok nikimbung'ie aaitirrichaki ele siligi otipikaki tekue iyioo.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Mbolunoto 21:11

neong te nkitoo e Nkai. Neong ilo kerenket ana soit oipilipil ogol nkinyiang'a, ana soit oji jasipa neong ana nkilaas anaa nkare jirlil.

Mbolunoto 21:23

Nemeyieu ilo kerenket wong'an e ndama tanaa ne lapa, amu nkitoo e Nkai naitoong'ita naa Lkuo leker wong'an enye.

Mbolunoto 21:3

Naning ltoilo sapuk oipoticho to lorika le nkitoo ejo, <

Mbolunoto 3:21

Naa kore ilo ooisul, naicho newuenie tenebo o nanu to lorika lai le nkitoo, ana naisula nanu nawuon tenebo o Papa lai to lorika lenye le nkitoo.