Rroman 5:19 - Samburu

¹⁹ Amu kore ana natanya apa Adam ening Nkai, neitaae pooki loo ng'ok, nejia sii eikoni keitae pooki loosipat tankaraki nataasa ltung'ani obo nayieu Nkai.

Rroman 5:19 ပူးပေါင်းရင်းမြစ်များ

Rroman 11:32

Amu eteenika ꞉Nkai pooki ming'ano payie etum aing'urrie pooki.

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 5:15

Kore ng'oki e Adam naa meitinyinyukieki nkichooroto e pecheu e Nkai. Amu kore tanaa keyewua ꞉ng'oki e ltung'ani obo lkiye loo ltung'ana pooki, kewuaa sa munyani o nkichooroto e pecheu naicho ꞉Nkai ltung'ana pooki te leng'on enye, aimu ilo ltung'ani obo, Yeso Kristo?

Rroman 5:18

Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Epeso 1:6

payie kitum aaterrep ninye tankaraki munyani enye kitok naichoo iyioo pecheu aimu Nkerai enye nacham.

Lpilipi 2:8

neitodoyio koon nening Nkai ana metari metua, ilo kiye apa otua to lmusalaba.