Rroman 5:18 - Samburu

¹⁸ Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

Rroman 5:18 ပူးပေါင်းရင်းမြစ်များ

Yoana 1:7

Keyewuo apa ninye payie eaku limunoto, aliki ltung'ana sipata naipirita naduo wong'an, payie etum ninche pooki aairuko te ninye.

Yoana 12:32

Kake kore payie aailiepieki nanu tana kop, nayiataki koon ltung'ana pooki.>>

Yoana 3:26

Nepuo netii Yoana nejoki, <>

Rroman 3:25

Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 5:15

Kore ng'oki e Adam naa meitinyinyukieki nkichooroto e pecheu e Nkai. Amu kore tanaa keyewua ꞉ng'oki e ltung'ani obo lkiye loo ltung'ana pooki, kewuaa sa munyani o nkichooroto e pecheu naicho ꞉Nkai ltung'ana pooki te leng'on enye, aimu ilo ltung'ani obo, Yeso Kristo?

Rroman 5:19

Amu kore ana natanya apa Adam ening Nkai, neitaae pooki loo ng'ok, nejia sii eikoni keitae pooki loosipat tankaraki nataasa ltung'ani obo nayieu Nkai.

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

1 Lkorinto 15:22

Amu kore tankaraki naye ltung'ana pooki tankaraki naing'uaa Adam, nejia sii etiu, keitipiuni pooki metumo nkichon tankaraki nara le Kristo.

Lburania 2:9

Kake ikidolita Yeso, oitodowuaki te nkiti kata aaitaa kini taa lmalaikani, etipikaki nkopiyia e sinyaticho o ne nkanyit amu ketumo mion ana metua, paa kore te munyani e Nkai neye anang ltung'ana pooki.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

1 Yoana 2:20

Kake kore ntae, keidipa ilo obo Sinyati aela ta Ltau Sinyati, naa iyielolo pooki ndedei.