Rroman 5:17 - Samburu

¹⁷ Amu kore tanaa to ng'oki e ltung'ani obo etang'asua lkiye aitoreicho eimu ilo tung'ani, kelus eichu neitoricho kenya lolo oaang'amaa munyani nabore nedodooyo neitaaki loosipat pecheu te inia nataasa ilo tung'ani obo, Yeso Kristo.

Rroman 5:17 ပူးပေါင်းရင်းမြစ်များ

Matayo 25:34

<

Yoana 10:10

Kore lapuroni naa kelotu ake ninye, apurroo, near, neitarruoo. Kake kayewuo nanu payie etum ninche nkichon, netum ebore.

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 5:15

Kore ng'oki e Adam naa meitinyinyukieki nkichooroto e pecheu e Nkai. Amu kore tanaa keyewua ꞉ng'oki e ltung'ani obo lkiye loo ltung'ana pooki, kewuaa sa munyani o nkichooroto e pecheu naicho ꞉Nkai ltung'ana pooki te leng'on enye, aimu ilo ltung'ani obo, Yeso Kristo?

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

1 Lkorinto 15:49

Kore ana nikinyunyukore ilo tung'ani oing'uaa nkop, ikinyunyukorei sii ilo tung'ani oing'uaa chumata.

1 Lkorinto 4:8

Eji ijoijo ntae iborere pii, neidipa Nkai atamayiana ntae oleng? Eji itaa dei lkinkii mikitii iyio? Oi siake duo tanaa itaa lkinkii payie kintoreicho tenebo o ntae.

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

2 Timoti 2:12

Tanaa iking'iri, naa ikintoricho kenya tenebo o ninye. Naa tanaa ikimiki ninye, nemiki sii kenya ninye iyioo.

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

Mbolunoto 1:6

neitaa iyioo lorere o laitainok la lasar maisiaayia Nkai nara Papa lenye. Metaa nenye nkitoo o ngolon ntarasi o ntarasi! Aamin.

Mbolunoto 20:4

Naitoki adol lorikan le nkitoo naa kore lolo oowuenita neichooki nkitoria meitoreicho. Nadol aitoki ltauja loo lolo apa ootudung'oki lgoso tankaraki limunoto e Yeso naitaitua o tankaraki rerei le Nkai. Eitu esai ꞉ninche inia ng'ues torno o nkitanyanyukoto enye neitu eng'amaa lminchire lenye too nkomomi tanaa taa nkaik enche. Nepiu ninche, neitoricho tenebo o Kristo larin 1,000.

Mbolunoto 20:6

Kemayiana ltung'ani nera sinyati oitipiu ꞉Nkai te inia piunoto ekue. Amu kore ninye naa medol lkiye le oare, kake keaku laitainoni la lasar le Nkai o Kristo, neitoreicho tenebo o ninye taa larin 1,000.

Mbolunoto 22:5

Nemeatae kuarie te inie, nemeyieu ꞉ninche wong'an e ltaa tanaa ne ndama, amu Laitoriani Nkai oaku wong'an enche. Naa keitoreicho ninche ntarasi o ntarasi.

Mbolunoto 3:21

Naa kore ilo ooisul, naicho newuenie tenebo o nanu to lorika lai le nkitoo, ana naisula nanu nawuon tenebo o Papa lai to lorika lenye le nkitoo.