Rroman 5:10 - Samburu

¹⁰ Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 5:10 ပူးပေါင်းရင်းမြစ်များ

Yoana 14:19

Kore te nkini kata, maaitoki ꞉nkop adol, kake kore ntae naa ikidoldol. Kore amu kaichu nanu, inchuchu sii ntae.

Yoana 5:26

Kore ana naa Papa oichooyo nkichui, eitaa sii ꞉Nkai Nkerai enye, metaa ninye oichooyo nkichui.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 6:57

Naa kore ana naairriwua nanu ꞉Papa oichu, naa kaichu sii nanu tankaraki ninye, naa nejia sii etiu pooki ng'ae oanya sesen lai, nchere keichu ninye tankaraki nanu.

Rroman 11:28

Kore inia natanya ꞉ninche Lomon Supati, nera lmang'ati le Nkai, neaku inia dupoto taa ntae. Kake kecham ꞉Nkai ninche, nera sotua lenche tankaraki nategelua lmakui lenche.

Rroman 5:11

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.

Rroman 5:6

Kore apa ewuon kira ltung'ana lemeitoki eidim, kore ta ng'amata naichiaakino, nenang ꞉Kristo ltung'ana lemeyanyit Nkai.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Rroman 8:7

Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Epeso 2:16

Neitutumoki lorere loo Lyiaudi o lkulie oreren Nkai te sesen ake obo to lmusalaba, neichu katukul mang'antiticho te inie.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Lburania 2:17

Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

1 Yoana 2:1

Nkera ainien, kaigerokita ntae ana payie miasias ng'ok. Kake teneas lobo linchi ng'oki, naa ikiata laretoni oitacheki iyioo tekue Papa, aa Yeso Kristo ilo loosipat.

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.