Rroman 5:1 - Samburu

¹ Naaku kore tankaraki naitaaki iyioo loosipat to nkurukoto, ikiata sotua o Nkai teinia nataasa Laitoriani lang Yeso Kristo.

Rroman 5:1 ပူးပေါင်းရင်းမြစ်များ

Luka 19:38

ejo, <><>

Luka 19:42

ejo, <

Luka 2:14

<>

Yoana 14:27

<

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

Yoana 5:24

<

Asat 10:36

Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki.

Rroman 1:17

Amu kore Lomon Supati, naa keibalunyie neiko Nkai teneicho ltung'ana sipata enye naicho metumo sotua oipida o ninye. Naa kore ng'asunoto o nkiting'oto naitabarieki ele sotua, naa nkurukoto. Ana nejo Lkigerot Sinyat nchere, <>

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Rroman 10:10

amu ta ltau eiruk ltung'ani neitaae loosipat, naa to nkutuk eibalie nejeu.

Rroman 10:15

Naa aji eiko ltung'ana tenelikoo teneitu eirruaari? Ana naigero ajo, <>

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 15:33

Metaa Nkai e sotua tenebo o ntae pooki. Aamin.

Rroman 3:22

Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era.

Rroman 4:5

Kake kore ilo lemepik siligi asat enyena naasita, neiruk inia Ai naitaa laitarruok loosipat, naa keikenakini teinia kurukoto enye aajo loosipat.

Rroman 5:11

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.

Rroman 5:18

Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Rroman 9:30

Ikijuaa naa taata iyioo? Kore nikijo, naa nchere kore apa lkulie oreren leitu eyiaya neiko tenetum sipata natumie sotua oipida o Nkai, naa ketumo inia sipata. Naa kore inia sipata, naa nkurukoto eirichakino.

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

Lgalatia 3:25

Kake eyewuo taata nkurukoto, merokure kitii taabori lairritani.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

Lkolosae 1:20

Neitemelet koon o ntokitin pooki naatii nkop o naatii chumata, eyewua sotua aimu lodo le Nkerai enye oibukori to lmusalaba.

Lkolosae 3:15

Enchoo metaa seriani e Kristo naitore atua ltauja linchi. Keipotokaki ntae inia seriani, irara le sesen obo. Entaa sii loaata nache.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

2 Ltesalonike 3:16

Kore Laitoriani openy seriani, naa meichoo ninye ntae seriani nkata pooki, too nkoito pooki. Metaa Laitoriani tenebo o ntae pooki.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.