Rroman 4:2 - Samburu

² Amu tanaa apa keitaaki Abraam loosipat tankaraki asat, naa keata mbae nailachie, kake mara tekue Nkai.

Rroman 4:2 ပူးပေါင်းရင်းမြစ်များ

Rroman 15:17

Naaku kailach taatua Kristo Yeso tankaraki inia kisiaayiare ai te Nkai.

1 Lkorinto 1:29

Ketaasa Nkai ana payie meatae ltung'ani ooidim aikarra tekue ninye.

1 Lkorinto 1:31

payie ebaya najo Lkigerot sinyat, <>

1 Lkorinto 4:7

Amaa, ng'ae likintaa iyie le tipat alang lkulie? Nyo iata iyie namara inia nikinchoo Nkai? Naa amaa tanaa ta Nkai itang'amayie ntoki pooki niata, aanyo payie iilach?

1 Lkorinto 9:16

Kore abaki tanaa kalikorita lolo Omon Supati, naa meitoki ailachie amu Nkai koon naaitanapa matilikoi. Oi siake ltolut nanu tanamalikoo Lomon Supati!

2 Lkorinto 11:12

Kore ltung'ana ooyiaya mpaach naikarrie aajo kerisio o iyioo to nkoitiei naasie siaai, naa kayieu naoru ninche inia paach naikarie. Naaku kaas siaai le Nkai, naloito ake kue aas pecheu.

2 Lkorinto 11:30

Kore tanaa meatae ajo maikar, naikar tankaraki mbaa naaitodolu nchalan ai.

2 Lkorinto 5:12

Mikintoki aaigil arrepaki ntae ate, kake ikiyieu nikincho ntae mpaach ning'idarere iyioo, payie itumtum aatowoliki lolo oong'idare mbaa eoriong namara ne atua ltau.

Lgalatia 3:22

Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Epeso 2:9

namara tankaraki ntoki eatae nitaasa, payie meata ltung'ani orrep koon.

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,