Rroman 4:15 - Samburu

¹⁵ Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 4:15 ပူးပေါင်းရင်းမြစ်များ

Yoana 15:22

Kore teneitu alotu airorie ninche, anata meata naipari to ng'oki. Kake meata taata napaacharie ng'oki enche.

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Rroman 1:17

Amu kore Lomon Supati, naa keibalunyie neiko Nkai teneicho ltung'ana sipata enye naicho metumo sotua oipida o ninye. Naa kore ng'asunoto o nkiting'oto naitabarieki ele sotua, naa nkurukoto. Ana nejo Lkigerot Sinyat nchere, <>

Rroman 5:13

Kedede ketii apa ng'ok nkop ewuon eitu eichoruni Nkitanapat e Nkai, kake meitoki eikenakini ng'ok tenemeatae nkitanapat.

1 Lkorinto 15:56

Kore lkiye naa ketum ngolon naarichere to ng'oki naa kore ngolon e ng'oki neing'uaa nkitanapat e Musa.

Lgalatia 3:10

Amu kore lolo pooki oisilig asat ee nkitanapat, ketii taabori ldeket, amu keigero ajo, <>

Lgalatia 3:19

Ne nyo naa nkitanapat? Ketoponuaki tankaraki ntorrok, ana meeu ilo inoti oichorunyieki apa lekutuk. Keichoo apa ꞉Nkai ltung'ana nkitanapat aimaa lmalaikani to nkoitiei e laitutumoni.

Epeso 5:6

Emincho hoo esap ntae ltung'ani tee rereii oorok, amu tankaraki ee mbaa naijo kuna etum ꞉ngoro e Nkai ltung'ana lemening'icho.

Lkolosae 3:6

Kore tankaraki nenia baa, keirrachu ngoro e Nkai lolo lemening ninye.

1 Yoana 3:4

Kore pooki oas ng'ok naa lagilani loo nkitanapat, amu kore ng'ok naa ngilata ee nkitanapat e Nkai.

Mbolunoto 19:15

Neimu nkutuk enye lalem opi laa ninye earie lochon. Keitore ꞉ninye ninche to sobua e senkei, naa keruko lodo ana naruko nkare ee lng'anayio lo lmusabibu teneironyi, eitodolu inia ngoro e Nkai Napeny ngolon.