Rroman 3:25 - Samburu

^25-26 Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Rroman 3:25 ပူးပေါင်းရင်းမြစ်များ

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Asat 14:16

Kore too ntowuon naaicha, naa keichoo loreren meima nkoitieii enche,

Asat 15:18

/oibalunyie kuna pooki ta ng'asunoto.>

Asat 17:30

Kore apa tekue naa kewa ꞉Nkai ajo meyielo ltung'ana ninye, kake kore taata naa keitarrapita ltung'ana pooki to ng'oji pooki payie eirriidu ng'ok enche neibelekenyakino ninye.

Asat 2:23

Kore nataase te ele tung'ani naa inia apake nategelua Nkai te yieunoto enye. Ketipikaki ninye nkaik inchi, ninchocho lolo oreren lamara loo Lyiaudi meteche to lmusalaba near metua.

Asat 3:18

Naa keitabayie Nkai inia natejo apa ewuon eng'or nkata too loibonok lenyena pooki nchere, kore kenya ilo Aitejeunoni le lekutuk lenye naa ketum sina.

Asat 4:28

Ketaasa ninche ana payie ebaya nitegelua apake iyie to golon o yieuna ino.

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

Rroman 5:1

Naaku kore tankaraki naitaaki iyioo loosipat to nkurukoto, ikiata sotua o Nkai teinia nataasa Laitoriani lang Yeso Kristo.

Rroman 5:11

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.

Rroman 5:18

Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

Rroman 5:9

Kore naa tankaraki naitaaki iyioo taata loosipat to lodo lenye, kebaa sa eitoki aitejeu iyioo to ngoro e Nkai?

1 Lkorinto 5:7

Entaitun katukul inia mukate musana naisiicho ee ng'ok, payie itumtum aataa mukate ng'ejuk nemeisiicho ana nirara. Amu Kristo, laa ninye lkuo lang le Pasaka, eitaaki lasar.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 2:13

Kake kore taata itii atua Kristo Yeso, kore ntae apa oaalakua nitinyikutua taata aaimu lodo le Kristo.

1 Timoti 1:15

Naa kesipa ele rerei neisiligai, neichiaakino payie eng'amari nchere, keyewuo Kristo Yeso nkop payie eitajeu ltung'ana loo ng'ok, naa nanu ojool lolo pooki.

Lburania 10:4

amu meidim lodo laa laing'ok o laa ntare aaitai ng'ok.

Lburania 11:14

Kore lolo oojo kuna baa naa keitodolu nchere keyieita nkop nara nenche.

Lburania 11:17

To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar,

Lburania 11:7

To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Lburania 9:5

Kore te keper ilo sanduku lo lning'o, netii ntokitin naaji lkerubi le nkitoo e Nkai, neisiapita taa nkaipupo inie ng'oji nepalikinyieki apa ltung'ana ng'ok. Kake mikindim aaimaki kuna baa to nguton taata.

1 Yoana 1:10

Kore tinikijo eitu kias ng'ok, nikintaa ninye losapicho, naaku meti rerei lenye atua iyioo.

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 20:15

Kore ake ltung'ani lemeigero nkarna enye to mbuku ee lolo oaata nkichui ee ntarasi, nenang'akini lbalbal le nkima.

Mbolunoto 5:9

Nerany sinkolio ng'ejuk ejo, <