23 Amu etaasa pooki ng'ok, nelau nkitoo e Nkai,
Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.
Amu eteenika ꞉Nkai pooki ming'ano payie etum aing'urrie pooki.
Ikiyielo aajo kore mbaa pooki naajo Nkitanapat e Nkai, naa lolo ootii taabori nenia Kitanapat ejoki, payie meatae hoo obo oata mbae najo, nepiki nkop pooki taabori nkiguana e Nkai.
Naaku kaa taata kijo? Ikilang iyioo Lyiaudi lkulikae? Mikilang hooyia! Amu kindipa duo aaitodolu nchere kore ltung'ana pooki naa taabori ngolon ee ng'ok etii, pee era Lyiaudii anaa Lgirriki
Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.
Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.
Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.
Keipuotua ntae Nkai too lomon supati likitilikita ntae, payie itumtum nkitoo e Laitoriani lang Yeso Kristo.
Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.
Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.
Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:
Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.
