Rroman 3:20 - Samburu

²⁰ Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.

Rroman 3:20 ပူးပေါင်းရင်းမြစ်များ

Rroman 2:13

Amu mara lolo ooyielo nejo nkitanapat e Nkai oaara loosipat tekue Nkai, kake lolo oaas inia nayieu nenia kitanapat eiken ꞉Nkai ajo loosipat.

Rroman 3:28

Amu ikinken nchere te nkurukoto eitaa ꞉Nkai ltung'ani loosipat, namara teneas naayieu Nkitanapat.

Rroman 4:13

Kore apa lekutuk oichoo ꞉Nkai Abraam o ichoi enye nchere keicho ninye nkop metaa nenye, naa eitu etum tankaraki naibung'a nkitanapat, kake ketumo tankaraki naikenaki aajo loosipat to nkurukoto enye.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 5:13

Kedede ketii apa ng'ok nkop ewuon eitu eichoruni Nkitanapat e Nkai, kake meitoki eikenakini ng'ok tenemeatae nkitanapat.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 7:11

Kore amu kewa ꞉ng'oki mpaach aimu nkitanapata, naasap nanu, naar te inia kitanapata.

Rroman 9:32

Aanyo? Tankaraki neitu eyiaya sipata eirichakino nkurukoto, kake nejo apa ninche eji ketumi taa asat. Nerror ate te ilo soit orrorricho.

1 Lkorinto 15:56

Kore lkiye naa ketum ngolon naarichere to ng'oki naa kore ngolon e ng'oki neing'uaa nkitanapat e Musa.

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

Lgalatia 2:19

Kore apa anyokita aibung nkitanapat, naalakuni te nkitoria ee nkitanapat payie atum atibikoki Nkai. Kaatechoki tenebo o Kristo.

Lgalatia 5:4

Etoorieki ntae Kristo, ntae oonyok aayiaya meikenakini sipat to nkoitiei ee nkitanapat. Iterriate, nilamlam munyani e Nkai.

Lburania 7:19

Nemeitoki eitaa ꞉nkitanapat metaa meata ntioto, kake keichooki taata iyioo siligi oikach laa ninye kinyikakinyie Nkai.