Rroman 3:2 - Samburu

² Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye.

Rroman 3:2 ပူးပေါင်းရင်းမြစ်များ

Yoana 5:39

Inyokitata aaing'uraa lkigerot, amu ijoijo iatata nkichui ee ntarasi taatua ninche. Naa kore lolo kigerot naa nanu elimu,

Asat 7:38

Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.

Rroman 1:2

Kore lolo Omon Supati naa lekutuk oitayia apa Nkai aimunyie loibonok lenyena too Lkigerot Sinyat.

Rroman 2:18

niyielo sii yieuna enye, nintoki ayielo aitapaacha nenia tokitin naaisul too nkulie tankaraki ikintaarriyianaki too nkitanapat e Nkai.

Rroman 3:1

Naaku amaa, nyo kiret tinira Lyiaudii? Anaa nyo tipat nayau muratare?

Rroman 3:3

Oo sa tenetii lbata lenche lemeata nkurukoto, keicho inia metaa meisiligai Nkai?

Rroman 9:4

ltung'ana loo Isirael. Kore apa ninche naa ketegelua ꞉Nkai metaa ltung'ana lenyena. Neichoo metoduaa nkitoo enye, neitai lning'o o ninche, neicho sii ninche nkitanapat enyena. Neibalakinyie neikoni tenesaii, neitoki aicho lekutukie lenyena.

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

2 Lkorinto 5:19

Kore nikijoito naa nchere ketii apa ꞉Nkai atua Kristo aitemelet koon o nkop, meikenaki ltung'ana ng'ok enche, neichoo sii iyioo Lomon Supati ooyau melet.

Lgalatia 2:7

Kake nedol ꞉ninche aajo kaaichooki Lomon Supati maitabaki lmomurata, ana apake neikunaki payie eichori Petero Lomon Supati meitabaki loomurata.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

Lburania 5:12

Amu kore ntae naa keyiere apa nitaa laiteng'enak, kake ewuon ake iyieuu ltung'ani oiteng'en ntae mbaa naalelek e rerei le Nkai. Kore taata ewuon ake irara ltung'ana laa kule aapeny eidim aatamat alang ndaa nagol.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

Mbolunoto 19:10

Narriakino nkejek enyena asai, kake naajoki, <>

Mbolunoto 22:6

Naajoki ꞉lmalaika, <>