11 Meatae loning'u, meatae loyieita Nkai,
Kore pooki ng'ae oning lkilikuai le nkitoria, nemening'u, naa kelotu ilo torno aisimarie inia apa natuunoki taatua ltau lenye. Naaku kore ilo lemening'u, ninye inia oitiei duo natodoka lantarara.
Kore abaki eikarrapa aajo kera ng'eni neaku ninche lmada.
Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.
ana nejo Lkigerot, <
keiminaitie pooki, eima pooki siu, meatae hoo loasita supat, abaki obo.>>
Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.
Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.
Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.
